Жаңасемей ауданының активімен кездестім

Мемлекет басшысы Қасым-Жомарт Кемелұлы Тоқаевтың Жарлығымен Абай облысында жаңа екі аудан құрылған болатын. Соның бірі орталығы Семей қаласында орналасатын Жаңасемей ауданы.

Аудан активіне «Қазақстан Республикасының мемлекеттік қызмет туралы» Заңының, 14 бабына сәйкес, ҚР Президент Әкімшілігінің, Жаңасемей ауданының мәслихат депутаттарының келісімімен, Жаңасемей ауданының әкімі лауазымына тағындалған Руслан Ерланұлы Базарбаевты таныстырдым.

Руслан Ерланұлы – осы өңірдің тумасы, Семей қаласында дүниеге келген. Үш жоғары білімі бар. ҚР Президенті жанындағы Мемлекеттік басқару академиясының түлегі.

Мемлекеттік қызметтегі тәжірбиесі мен білімі жеткілікті, жас та болса «бас» бола білген азамат. Сондықтан артылған сенімді ақтап, Жаңасемей ауданының жұртшылығымен бірлесе отырып, осы ауданның одан әрі дамып, гүлденуіне бар күш-жігерін салып, аянбай қызмет етеді деп сенемін. Оған өздеріңіздің қолдауларыңыз қажет.

Еңбек жолын 2010 жылы Астана қаласы Кәсіпкерлік және өнеркәсіп басқармасының бас маманы қызметінен бастаған. Әр жылдары «Астана - жаңа қала» арнайы экономикалық аймақтарды әкімшілендіру басқармасының бас маманы, бөлім басшысы болып жұмыс істеді. «Қазтехнология» АҚ бас менеджері. Сондай - ақ, Қазақстан Республикасы Инвестициялар және даму министрлігі Инвестициялар комитетінде қызмет атқарды. 2018 жылдан бастап Қазақстан Республикасы Премьер-Министрі Кеңсесінің индустриялық-инновациялық даму бөлімінің бас сарапшысы, бас консультанты, бас инспекторы болып жұмыс істеді. Қазіргі лауазымға дейін Семей қаласы әкімінің орынбасары болды.

• 24.02.2024
• 227