Құрметті жамбылдықтар!

Сіздерді көктемнің алғашқы мерекесі 1 наурыз – Алғыс айту күнімен шын жүректен құттықтаймын!

Ізгілік пен мейірімділіктің нышанына айналған бұл күн – қоғамдағы бейбітшілік пен келісімді, еліміздің бірлігі мен тыныштығын айшықтайтын маңызы зор мереке.

Алғыс айту күні – тарихтың алмағайып кезеңдерінде мейрімділік пен кеңдік танытып, бірлігінен айнымаған еліміздің қонақжайлық және жанашырлық қасиеттерімен айшықталады. Тәуелсіз елімізді мекен еткен барлық ұлттар мен ұлыстардың ауызбіршілігі мен ынтымағы бүкіл әлемге үлгі етіледі.

Адамгершілік пен қайырымдылыққа үндейтін осынау мерекеде тарихымызға деген зор құрмет жатыр.

Бүгінде бейбітшілік пен ынтымақтастық секілді құндылықтарды баса негізге алған елімізбен бірге жамбылдықтар да жаңғыруға нық қадам басуда. Қазіргі таңда қасиетті Жамбыл жерінде 87 этнос, 
75 этномәдени бірлестік өкілдері Ассамблея құрамында өзара татулықта өмір сүруде.

Халықымызда «Бірлік – береке бастауы» деген жақсы сөз бар. Біз өзара бірлігіміз бен тыныштығымызды  – басты байлықтарымыздың бірі ретінде бағалай білуге тиіспіз.

Баршаңызды шуақты көктем мерекесімен құттықтай отырып, отбасыларыңызға амандық, бақ-береке тілеймін!

Еліміз татулық пен бірліктің талбесігінде мәңгілік тербеле берсін!

• 01.03.2024
• 175