«Синьфа Кэмикал групп» компаниясының өкілдерімен кездесу

«Синьфа Кэмикал групп» компаниясының өкілдерімен кездесу барысында облысымызда фосфор саласын дамыту мәселелері талқыланды.

Компания – әлемдік ірі фосфор өнімдерінің өндірушісі болып табылады. Сондай-ақ литий-темір-фосфат батареяларын, глифосат, силикон, тағамдық фосфат және микроэлектроникаға арналған фосфат материалдарын өндірудің өзіндік технологиясына ие. 

Компания жергілікті өндірушілермен бірлесе отырып, ұзақ мерзімді ауқымды жобаларды жүзеге асыруға қызығушылық білдірді. Олар бірқатар елдердегі табысты тәжірибеге сүйеніп, Жамбыл облысында жоғары сапалы минералды тыңайтқыштарды өндіруді жолға қоюға мүмкіндік беретін вертикальді-интеграцияланған құрылым ұсынып отыр.

Сонымен қатар, компанияның фосфогипсті қолдана отырып, құрылыс материалдарын өндіруде мол тәжірибесі бар. 

Бұл мәселелердің барлығы жергілікті атқарушы органдардың өкілдерімен мұқият зерделенетін болады.

Шетелдік компаниялардың өңірдің инвестициялық саясатына деген үлкен қызығушылығын ескере отырып, қазірдің өзінде инвестициялық жобаларды іске асырудың барлық кезеңдерін қамтитын біздің тарапымыздан қабылданған қолайлы бизнес үшін пакеттік шешімдердің тиімділігін атап өткім келеді. 

Әлеуетті инвесторлармен кездесулер, жаңа жобаларды талқылау, олардың мәселелерін жедел шешу шараларын үздіксіз жалғастырамыз және жеке бақылауымда ұстайтын боламын.

• 07.03.2024
• 185