Облыс әкімдігінде жолдарды жөндеу жоспарлары және 2024 жылға арналған жұмыспен қамту картасын іске асыру мәселелері талқыланды

Биыл облыстың 3 қаласы, 10 ауданы және 87 ауылында 612 шақырым жол жөнделеді. Бұл мақсаттарға әртүрлі деңгейдегі бюджеттерден 28 млрд теңге қарастырылған. 2023 жылы өңірде топырақ жамылғысы болған 26 ауылдың кірме жолына асфальт төселді, жалпы ұзындығы 90 км құрады. Ағымдағы жылы ұзындығы 142 км болатын 42 ауылдың кірме жолына жөндеу жүргізу жоспарлануда. Сондай-ақ, есептік кездесулерде айтылған тұрғындардың өтініштерін орындау үшін бонустық трансферттер аясында жалпы ұзындығы 68 км болатын 65 ауылдық көшені жөндеу жобасы іске асырылады. Қосымша облыстық бюджет қаражаты есебінен Көктөбе, Успен, Шарбақты аудандарының орталықтарындағы және Сілеті ауылындағы көшелер жөнделеді. Жол жұмыстары сәуір айында басталады. Оларды іске асыру үшін облыста барлық қажетті инфрақұрылым бар: 27 асфальтбетон зауыты, 11 қиыршық тас өндіру карьері және бір битум өндіру зауыты. Асайын Байханов автокөлік жолдарының жай-күйіне талдау жасауды және жолдарды көктемгі тексеру қорытындысы бойынша алдағы жобалардың тізбесін әзірлеуді тапсырды. Өңір басшысы жұмыс сапасына бақылауды күшейтуге, мердігерлердің нормалар мен стандарттарды сақтауына ерекше назар аударды. - Жолаушылардың қауіпсіздігі жол жабынының, қолданылатын материалдардың және технологиялардың сапасына байланысты, - деп атап өтті облыс әкімі. Биылғы жоспардағы тағы бір негізгі бағыт - «Өңірлік жұмыспен қамту картасын» іске асыру. Өткен жылы жұмыспен қамту органдарымен 30,6 мыңнан астам (жоспар бойынша 25,2 мың адам) адам жұмыспен қамтылды. Барлық қалалар мен аудандар жоспарлы көрсеткіштерге қол жеткізді. 2024 жылы 26,6 мың жұмыс орнын құру жоспарланған. Кәсіпкерлік бастамаларды қолдау мақсатында «Аграрлық кредиттік корпорация» АҚ арқылы жастарға жылдық 2,5%-бен 164 шағын несие және бизнес идеяларды іске асыру үшін 400 АЕК-ке дейін 443 грант көзделген. Барлық инфрақұрылымдық жобалар электрондық еңбек биржасында орналастырылған, жобаларды іске асыру наурыз айында басталады. Облыс әкімі облыс халықты жұмыспен қамту саласындағы барлық белгіленген іс-шаралардың сапалы орындалуын қамтамасыз ете отырып, еңбек шарттарының жасалуына және міндетті зейнетақы аударымдарына тұрақты бақылау жүргізуді тапсырды.

• 13.03.2024
• 154