15 наурыз - Қайырымдылық күні

Бұл күн қайырымдылық, мейірімділік пен тату көршілікті насихаттауға арналған.

Жалпы, игі істер дәстүрін тарату қоғамда қайырымдылық мәдениетін қалыптастыруға ықпал етеді.

Наурызнаманы мерекелеу кезінде бұл қасиеттерді барынша кеңінен насихаттау аса маңызды. Көшпенділер мәдениетінде өзара көмек, жанашырлық пен қамқорлық кез келген қиындықты бірлесіп жеңіп, мақсат-мұратқа жетудің тетігі болатын.

Мұқтаждарға ауылдас ағайыны жылу жинап, көмек беретін. Айтып келмейтін апатқа душар болғандарға мал, киім, тіпті ыдыс-аяққа дейін түгендеп, үй-жай берілетін.

Жанашырлық пен мейірімділіктің мұндай мысалдары жетерлік.

Сондықтан “Қайырымдылық” күнінің тақырыбы қазіргі қазақ қоғамда әлі де кеңінен таралуы тиіс құндылықтармен тығыз байланысты.

• 15.03.2024
• 226