Жамбыл облысында жаңа инвестициялық жобалар іске асады

«KazАgroZhambyl-2024» Халықаралық ауыл шаруашылығы форум-көрмесі аясында Түркі мемлекеттері Ұйымына мүше елдердің ауыл шаруашылығы министрлері және бірқатар елдердің іскер топтарының өкілдерімен кездестім.

Форум барысында облыстың агроөнеркәсіптік кешен саласында бірқатар ірі жобаларды іске асыру мақсатында отандық және шетелдік инвесторлармен құны 153 миллион АҚШ доллары болатын келісімге қол қойылды.

Атап айтқанда, екі жылыжай кешенінің құрылысы («Shouguang Agricultural Development Group Limited» және «Shandong Shouguang Vegetable Industry Group Co.» компаниялары), бетон төсемін өндіру зауыттары («Kazakh Industrial stroi» ЖШС), сондай-ақ тамшылатып суару жүйелері («KAZ Каспий ГИДРО» ауыл шаруашылығы технологиясы» компаниясы).

Аймағымыз үшін барлық инвестициялық жобалар өте маңызды. Оларды табысты жүзеге асыру экономиканың өсімі мен жұмыспен қамтудың артуына оң әсер етеді.

Сонымен қатар, көрмеде ирригациялық жабдықтар, агро-дрондар, пластик және көкөніс өнімдерін өндірумен айналысатын бірқатар компаниялармен, сондай-ақ тұқым шаруашылығы қауымдастығының өкілдерімен ынтымақтастық жоспарлар мен өнімділікті арттыру үшін ауыл шаруашылығы дақылдары тұқымдарының сапасын жақсарту мүмкіндігі талқыланды.

Жалпы, Жамбыл облысы ауыл шаруашылығы саласында үлкен әлеуетке ие. Өңірде мал шаруашылығы мен өсімдік шаруашылығы қарқынды дамып келеді. Сондай-ақ облыста тамшылатып және жаңбырлатып суару технологияларын енгізуге айрықша көңіл бөлініп, жер асты суларын тиімді пайдалану мүмкіндіктері зерделенуде.

• 26.03.2024
• 154