Құрметті жамбылдықтар!

Күн мен түннің теңелетін Ұлыстың ұлы күні – Наурыз мерекесі баршаңызға құтты болсын!

Тарихы терең әз-Наурыз қай кезеңде де еңсесі биік елдіктің, береке мен бірліктің, ырыс пен ынтымақтың мерекесі, кешірім мен мейірімнің, үміт пен сенімнің, ізгіліктің мерекесі.

Сондай-ақ, биыл Ұлыстың Ұлы күні – әз-Наурыз Рамазан айымен қатар келгені де мерекенің маңызын арттырып отыр.

Ағымдағы жылы Наурыз мерекесі еліміз бойынша жаңа форматта, ерекше негізде аталып өтілуде. Наурызнаманың он күндігі облысымызда да өз деңгейінде ұйымдастырылуда. Әр күнге бөлек атау беріліп, тақырыпқа сәйкес игі шаралар өткізу көзделген.

Мемлекет басшысы Қасым-Жомарт Тоқаев Атырауда өткен Ұлттық Құрылтайдың үшінші отырысында Ұлыстың Ұлы күні табиғат пен тұтас тіршілік жаңаратынын жеткізіп, қоғамдық құндылықтарды жаңғырту, ел ырысын арттыру жолында маңызды қадамдар жасалынып жатқанын баса айтты.

Бұл тұрғыда жамбылдықтар да өздерінің белсенділіктерін танытуда.

Облыста ел экономикасы үшін маңызды бірқатар өндірістік нысандар ашылып, жұмыс орындары көбеюде. Білім беру, денсаулық сақтау, мәдениет пен спорт нысандары салынып, ел игілігіне берілуде. Аудан орталықтары мен ауылдардың да ажарын арттыруға басымдық берілуде.

Алдағы уақытта да өңірді өркендету бағытында ауқымды жұмыстар жалғасын табады.

Әз-Наурыз барша жамбылдықтарға, әр отбасына бақ-береке, толайым табыс әкелсін!

Әрдайым ел игілігіне арналған жақсы әрі жасампаз істеріміз көп болсын.

Жаңа жыл құтты, Ұлыс оң, ақ мол болсын!

• 26.03.2024
• 115