Жамбыл облысында педагогтер арасындағы өңірлік байқаудың жеңімпаздары анықталды

Ел болашағы – жас буынға сапалы білім мен тәрбие беру – қоғам мен мемлекет дамуының басты тетігі.

Осы орайда бүгін облыстағы педагогтер арасында «Білім беру саласының әлеуетті көшбасшысы» атты өңірлік байқау өтті.

Облысымыздың әр ауданынан 50-ден астам білім беру саласының қызметкері қатысқан байқау барысында көшбасшы педагогтер іріктелді. Қатысушылардың кәсіби біліктілігі мен көшбасшылық дамуына айрықша назар аударылды.

Финалдық кезеңге өткен 15 педогог үшін алдағы уақытта арнайы оқыту курстары ұйымдастырылатын болады.

Атап өту керек, өткен жылы еліміздің педагогтары арасындағы «Білім берудегі жаңа өзгерістердің 1000 көшбасшысы» жобасы аясында құрылған Республикалық кадр резервіне 7 жамбылдық педагог енген болатын. Бүгінде олар мектептерге басшылық лауазымдарға тағайындалды.

Осы тұрғыда облыста да білім беру саласындағы әлеуетті көшбасшылар кадрлық пулын қалыптастыруға көңіл бөлінуде.

• 28.03.2024
• 137