Жамбылдықтар жаппай сенбілік шығып, каналдар мен арықтарды тазалады

Мемлекет басшысының тапсырмасына сәйкес, облыс аумағында су тасқынының алдын алу, болдырмау бойынша жедел жұмыстар жалғасуда.

Осы тұрғыда бүгін өңірде жаппай сенбілік ұйымдастырылып, тазалық жұмыстары жүргізілді.

20 мыңнан астам адам қатысқан шарада негізінен су жүйелерін тазалауға баса көңіл бөлінді.

Жалпы, 2600 тоннадан астам күл-қоқыстар шығарылған сенбіліктер барысында 809 шақырымнан астам каналдар мен арықтар, 1600 шақырым көшелер және скверлер мен саябақтар тазаланды.

Барлық аудандар бойынша бұл бағыттағы жұмыстар жалғасатын болады.

Сондай-ақ, Тараз қаласындағы 8 каналды механикалық тазалау жұмыстары қолға алынып, Сеңкібай, Қапал, Төрекелді, Үшбұлақ, Қарасу-1 және Қарасу 2 каналдарын жөндеу жұмыстары жүзеге асады.
 

• 08.04.2024
• 224