БЫЛТЫР АТЫРАУДА БЕЛГІЛЕНГЕН ЖОСПАРДАН КӨП ТҰРҒЫН ҮЙ ПАЙДАЛАНУҒА БЕРІЛГЕН

«Өткен жылы облыс бойынша 800 мың шаршы метр тұрғын үй жоспарланып, 836,5 мың шаршы метр тұрғын үй пайдалануға берілген», - деп хабарлайды Атырау облыстық коммуникациялар қызметі.

Бұл туралы аймақ басшысы Махамбет Досмұхамбетовтің төрағалығымен өткен селекторлық жиында экономика және бюджеттік жоспарлау басқармасының басшысы Азамат Сәлімбаев.

- Тұрғын үйлерді пайдалануға беру бойынша Мақат ауданында - 147%, Индерде - 106,0%, Қызылқоғада - 102,6% және Құрманғазыда - 101,1%, көрсеткішке қол жеткіздік, - дейді Азамат Сәлімбаев.

Сондай-ақ, 5 ауданда атап айтқанда, Жылыойда – 120 %, Исатайда - 165,1%, Индерде - 102,2%, Қызылқоға - 167,6%, Махамбет ауданында - 119,2% құрылыс жұмыстары көлемінің артуы байқалады.

Жиын соңында облыс әкімі құрылыс басқармасы мен қала және аудан әкімдеріне тұрғын үйлерді қолданысқа беру бойынша нақты тапсырмалар берді.

- Азаматтарды сапалы, әрі қолжетімді баспанамен қамтамасыз ету басты мақсаттарымыздың бірі. Көп қабатты тұрғын-үй құрылыстарының уақытылы, әрі сапалы тапсырылуын қатаң қадағалаңыздар. Биыл жоспарланған көлемге қол жеткізу үшін тиісті шаралар қабылдансын, - деді облыс басшысы Махамбет Досмұхамбетов.

• 09.02.2021
• 248