Жол жөндеу мәселесі – күн тәртібінен түспейді

Бұл тұрғыда тұрғындар да әлеуметтік желіде жиі шағым білдіріп, мәселелер көтеруде.

Бүгін таңертең облыс орталығындағы бірқатар көшелерді аралап, тексердім. Нақтырақ айтқанда А.Пушкин, Адамбаев, Қылышбай ақын, Ұлбике ақын көшесі мен Бөлтірік шешен көшелерінің, Шостакович көшесі мен Санырақ батыр көшелерінің қиылысы секілді бірқатар жол бөліктерін қарап шықтым.

Биыл Тараз қаласында ауқымды жол жөндеу жұмыстары жүзеге асады. Ол үшін қажетті қаражат көлемін де арттыру шаралары қабылдануда.

Айталық, шаһардағы жолдарды ағымдағы жөндеу жұмыстарын өткен жылмен салыстырғанда 3 есеге, орташа жөндеу жұмыстарын 1,5 есе шамасында арттыру көзделуде.

Басты талап – құрылыс жұмыстарының сапасы мен бекітілген мерзімнің сақталуы. Бұл бойынша жауаптыларға нақты міндеттер жүктелді.

Аралау барысында М-1 жылыту жүйесінің қайта жаңғырту жұмысымен де таныстым. Қаладағы жылыту жүйелерін жаңғырту, жөндеу жұмыстарын тездетіп, тұрғындарды ыстық сумен қамту – маңызды.

Бұл бағыттағы жұмыстар облыстың барлық аудандарында да нәтижелі жалғасуы тиіс.

Сондай-ақ, биыл түрлі бағдарламалардың мүмкіндігін пайдалана отырып, облыс бойынша пайдалануға беретін пәтер санын 2-3 есеге көбейту жоспарланған. Оның ішінде халықтың әлеуметтік осал тобын тұрғын үймен қамту көлемі де артады (2023 жылы – 1122 пәтер, 2024 ж – 2173 пәтер) ұлғайту көзделуде.

• 24.04.2024
• 123