Құрметті жамбылдықтар!

Баршаңызды Отан қорғаушы күні мерекесімен шын жүректен құттықтаймын!

Тәуелсіз еліміздің бүгінгі айбынды әскері бабалардың батырлық пен ерлік жолын абыроймен, лайықты жалғастыруда. Бейбіт күннің жауынгерлері ел мен жер үшін қашан да кез келген қауіп-қатерге дайын екендігін дәлелдеп келеді.

Егемендігіміз бен бейбітшілігімізді күзетіп, халқымызға қорған болған әскеріміздің айбыны арта берсін!

Биыл Қазақстан Қарулы Күштерінің құрылғанына 32 жыл толып отыр.

Мемлекет басшысы – Қарулы Күштердің Жоғарғы Бас қолбасшысы Қасым-Жомарт Кемелұлы Тоқаевтың бастамасымен еліміздің қорғаныс саласын дамытуға және кәсіби, әлеуеті жоғары қуатты әскер құруға бағытталған кешенді реформалар жүзеге асуда.

Қарулы күштер қатарында өз қызметін мінсіз атқарып жүрген сардарлар мен сарбаздарымызға алғысымыз шексіз!

Қадірлі жерлестер!

Баршаңызды Отан қорғаушы күні мерекесімен құттықтай отырып, еліміздің бейбітшілігі мен жарқын болашағы үшін атқарып жатқан игі істеріңізге табыс, отбасыларыңызға амандық, дендеріңізге саулық тілеймін!

Аспанымыз ашық, еліміз тыныш болсын!

• 13.05.2024
• 256