Жетісуда әдеп-құқықтық тәрбие жөніндегі менторлық жобаның аясы кеңейтілуде

Жетісу облысында бір жылға жуық уақыттан бері «Әдеп-құқықтық тәрбие жөніндегі ментор» жобасы жүзеге асырылып келеді. Пилоттық жоба облыс орталығы Талдықорған қаласының мектептерінде өткен жылдың қыркүйек айынан басталса, ал биылғы жылдың қаңтар айынан Панфилов ауданының мектептеріне енгізілді. Осы уақыт ішінде түрлі саласының мамандары және қонақ лекторлар қазіргі заманның өзекті тақырыптарына арналған 170-ке жуық кездесу өткізіп, ол кездесулерге 17 мыңнан астам оқушы қатысты. Жүргізілген әлеуметтік сауалнамаға қарағанда, сауалнамаға қатысқан оқушылардың 75%-дан астамы арнайы келген лекторлардың дәрісіне риза екенін, ал 62% мектеп менторларымен оңды қарым-қатынас орнатылғанын айтқан. Сонымен қатар 28,6% жеке консультациялар алғанын, ал 20%-ға жуығы менторлармен әңгімелесу нәтижесінде шешілмейтін проблемалар жоқ екенін түсінгенін атап өтті. Қол жеткізілген оң тәжірибені ескеріп, алдағы жаңа оқу жылынан бастап 7 аудан орталығы мен 1 қалада тағы 48 ментор өз жұмысын бастайды. Менторлық тәжірибедегі қонақ дәрістерін өткізу дәстүрі жалғастырылып, Талдықорған қаласынының оқушыларымен кездестім.

Толығырақ: https://www.gov.kz/memleket/entities/zhetysu-oblysy/press/news/details/771316?lang=kk

• 16.05.2024
• 186