- Блогтар
- Сұлтанғазиев М.Е.
Сұлтанғазиев М.Е.
Алматы облысының әкімі
Алматы қаласында республикалық вакансия жәрмеңкесі өтті
Бүгін Алматы қаласында республикалық вакансия жәрмеңкесі өтті. Жас мамандармен кездесуде Алматы облысы Денсаулық сақтау басқармасының басшысы Алмат Тұрысбекұлы медициналық мекемелерге жұмысқа орналасқан дәрігерлерге мемлекет тарапынан әлеуметтік қолдау көрсетілетінін атап өтті.
-Өңірдегі медициналық мекемелерде кадр тапшылығын төмендету үшін жыл сайын облыс әкімінің грантымен мамандарды оқыту қолға алынған. Жалпы 164 резидент жергілікті бюджет қаражаты есебінен білім алуда. 2024-2026 жылдары резидентурада 50 маманды оқыту жоспарлануда, - деді басқарма басшысы.
Жалпы ауылдық жерлерге жұмысқа орналасқан дәрігерлерге бір реттік жәрдемақы және лауазымдық жалақыға қосымша үстемеақы белгіленеді. Сонымен қатар үймен қамтамасыз ету мәселесі де қарастырылған. Аудан орталығына жұмысқа орналасқан маманға 9 200 000 теңге көлемінде және ауылды жерге жұмысқа орналасқан дәрігерге 7 500 000 теңге көлемінде тұрғын үй алуға арналған пайсыз несие беріледі.
Бүгінгі күні Алматы облысындағы денсаулық сақтау ұйымдарында кадр тапшылығы 61 дәрігерді құрайды. Биылғы жылы облысқа 88 дәрігер жұмысқа орналасты.
- 16.05.2024
- 169