- Блогтар
- Нүкежанов Е.Б.
Нүкежанов Е.Б.
ҚР МАМ Дін істері комитетінің төрағасы
БҰҰ, ЕҚЫҰ және Орталық Азия мемлекеттерінің өкілдері қайтарылған азаматтарды оңалту және қайта интеграциялаудың өзекті мәселелерін жоғары деңгейде талқылады
14 мамырда, Ташкент қаласында «Бейбітшілік және қауіпсіздік үшін ынтымақтастық» тақырыбында Орталық Азиядағы оңалту және қайта интеграциялау мәселелері бойынша өңірлік сарапшылық кеңестің бірінші отырысы өткізілді.
Іс-шараға Владимир Воронков – БҰҰ Бас хатшысының орынбасары, БҰҰ Терроризмге қарсы басқарманың басшысы, Орталық Азия мемлекеттерінің өкілдері, сондай-ақ Еуропадағы қауіпсіздік және ынтымақтастық ұйымы және өзге де халықаралық және өңірлік ұйымдардың сарапшылары, азаматтық қоғам өкілдері қатысты.
Қазақстандық делегацияны мәдениет және ақпарат вице-министрі Қанат Ысқақовтың басшылылығымен Дін істері комитетінің төраға орынбасары Ануар Хатиев, «Конфессияаралық және өркениетаралық диалогты дамыту бойынша Н.Назарбаев орталығының» басқарма төрағасының орынбасары Бауыржан Бакиров, сонымен қатар «AQNIET» ҚҚ мен сарапшылық қауымдастықтың өкілдері құрады.
Конференция барысында вице-министр Қ.Ысқақов құттықтау сөзін сөйледі және «Жусан» операциясы бойынша қақтығыс аймақтарынан қайтарылған азаматтарды оңалту және реинтеграциялау мәселелеріндегі еліміздің тәжірибесін атап өтті.
Естеріңізге сала кетейік, «Жусан» гуманитарлық операциясы біздің азаматтарымызды террористік белсенділік аймақтарынан қайтару бойынша 2019 жылы басталған болатын. Операция қорытындысы бойынша қазіргі уақытқа дейін 607 азамат елге оралды, олардың басым бөлігін әйелдер мен балалар құрайды.
- 29.05.2024
- 133