Облыс әкімі «Байзақ-2024» тексеру жиынына қатысты

Жамбыл облысының әкімі Ербол Қарашөкеев «Байзақ-2024» тексеру жиынының жабылу салтанатына қатысты.
Облыс әкімі алдымен «Оңтүстік» өңірлік қолбасшылығы әскерлерінің арнайы техника мен жабдықтарын аралап көріп, бірқатар оқу-жаттығуларын көрді.
Тексеру жиыны ағымдағы жылдың 20-29 мамыры аралығында «Айша бибі» палигонында ұйымдастырылды. Оған Байзақ ауданының аумақтық қорғаныс бөлімшелеріне тіркелген 80-ге жуық әскери міндеттілер шақыртылған.
Жалпы, оқу-жаттығу облыстың аумақтық қорғаныс қабілетін арттыруға бағытталған. 10 күндік жиын барсында әскери міндеттілер кәсіби мамандардың көмегімен біліктіліктерін шыңдады. Атап айтқанда, олар аумақтық қорғаныс бөлімшелеріне тапсырылған нысандарды күзету және қорғау, қарсыластың диверсиялық-барлаушылық тобымен күресті ұйымдастыру бойынша дайындықтарын іс жүзінде жетілдірді.
Ербол Қарашөкеев аумақтық қорғаныс әскерлері ұлттық қауіпсіздікті қамтамасыз ету жүйесінің ажырамас бөлігі екенін баса айтты. Ол әскери міндеттілерді оқу-жаттығу жиынын сәтті аяқтауымен құттықтады.
«Байзақ-2024» тексеру жиынының қорытындысы бойынша үздік нәтижеге қол жеткізген бірқатар әскери міндеттілер облыс әкімінің Алғыс хатымен марапатталды.

• 04.06.2024
• 134