Облыста ветеринария-санитарлық объектілерді салу жөнінде жол картасы әзірленіп жатыр

Аппараттың кеңейтілген кеңесінде облыстық ветеринария басқармасының басшысы Ержан Барышев Абай облысында сібір жарасын жұқтыру қаупі бар жануарлардың 166 қорымы тіркелгенін атап өтті. Бұл аумақтар темір қоршаулармен және ескерту тақтайшалармен қоршалған, ал тиісті жер учаскелеріне мемлекеттік актілер берілген. Жыл сайын көму орындарынан теріс нәтижелі ветеринарлық зертханадан сібір жарасын зерттеу үшін топырақ сынамалары алынады.

Облыстың ветеринария басқармасы ветеринария-санитарлық объектілерді салу үшін Жол картасын әзірлеуді жоспарлап отыр. Бастама Абай, Ақсуат, Бесқарағай, Бородулиха, Жарма және Көкпекті аудандарында, сондай-ақ Семей қаласында әзірленіп, ұсынылды.

Облыс аумағында 148 мал көму орындары бар, оның 52-сі толғандықтан одан әрі пайдалануға жарамсыз күйде. Елді мекендердің мал қорымдарына деген қажеттіліктерін қамтамасыз етуге тағы 150 нысанның құрылысы қажет.

Қазіргі таңда облыс аумағында 112 мал сою пункті мен 83 алаң жұмыс істейді. Сою орталықтары жоқ елді мекен тұрғындары бруцеллез малды шалғай жерден санитарлық пункттері бар аймаққа тасымалдауға мәжбүр. Осыған байланысты, қала мен аудан әкімдеріне инвесторларды тарта отырып, ветеринария-санитарлық талаптарға сәйкес жабдықталған нысандардың құрылысын ұйымдастыруды тапсырдым.

 Облыста 132 ветеринариялық пункт бар, оның ішінде КММ-нің жеке ғимараттарында орналасқан 31 және ауылдық округ әкімдіктерінің ғимараттарында 101 пункт орналасқан. «Жануарларға жауапкершілікпен қарау туралы» заң жобасы аясында қаңғыбас жануарлардың санын реттеу туралы іс-шаралар жүргізілуде. 2023 жылы 8 мал қорымы салынды (Ақсуат ауданында 3, Үржар ауданында 5), ал 2024 жылы тағы 7 жаңа мал қорымын салу жоспарда бар (Ақсуатта 1, Үржар ауданында 5 және Курчатовта 1). Қалған аудандарда мал қорымдарын салу сұрақтары ашық күйінде қалып отыр.

• 05.06.2024
• 125