Бизнес өкілдеріне жан-жақты қолдау көрсетіледі

Семейде жайлы ортаны дамыту шеңберінде құрылыс жұмыстары, жолдарды ағымдағы жөндеу, аулалар мен қоғамдық кеңістіктерді абаттандыру жүргізілуде. Осыған ағымдағы жұмыстармен танысу мақсатында кезекті мәрте шаһарды араладым.

«Бейбітшілік» аралына барып, этноауыл аумағында сауда нүктелерін орналастыру бойынша облысымыздың бизнес өкілдерінің ұсыныстарын талқыладым. Бұл жер қала тұрғындарының ғана емес, қонақтардың да жиі келетін сүйікті орны болғандықтан сұранысқа ие сауда нүктелері қажеттілігі сезіледі.

Сонымен қатар, қала орталығындағы көпқабатты үйлер арасы мен «Юность» ықшам ауданындағы 10-шы тұйық көшесіндегі жол жөндеу жұмыстарымен таныстым. Соңғысында орташа жөндеу жұмыстары аяқталысымен қоғамдық көлік жүретін болады. Осы шаруалар бойынша тиісті басқармаларға жұмыс барысын үнемі бақылауда ұстауды сондай-ақ Мәңгілік ел көшесін абаттандыруды жалғастыруды тапсырдым.

Қала тұрғындарына ыңғайлы болу үшін халық жиі жүретін алаңдарда заманауи «Street Food» сауда павильондарын орнату жоспарлануда. Сонымен қатар, орталық көшелерде бүгінгі күннің талабына сай келмейтін сауда дүңгіршектері анықталды. Енді олардың иелеріне сыртқы келбетін жаңартуға ұсыныс беріледі болмаса басқа жерден орын қарастырылады.

Біз барлық жобаларды қала тұрғындары үшін барынша ыңғайлы әрі қолайлы етуге тырысамыз. Бұған қоғамдық кеңістікті жақсарту, көпқабатты үйлер арасындағы кварталішілік жөндеу, жолдар, мектептер мен тұрғын үй кешендерін салу жұмыстары кіреді. Барлық жұмыстар кестеге сәйкес жүргізілуде. Біз қаланың әрбір тұрғынының ұсыныстарын тыңдап, жобаларды әзірлеу және іске асыру кезінде оларды ескеруге дайынбыз.

Сонымен қатар «Қарағайлы» ықшам ауданында салынып жатқан көпқабатты үйлерге барып, мердігер компания өкілдерімен тілдестім. Әңгіме барысында мердігер компанияларға құрылысты уақытында әрі сапалы аяқтау керектігі жөнінде тапсырма бердім.

Сондай-ақ,  «Спартак» стадионына да арнайы атбасын бұрдым. Қазір стадионда жөндеу жұмыстары қарқынды жүруде. Салтанатты ашылуы 26 сәуірге жоспарланып отырған стадионда толықтай қайта жаңғырту, жасыл алаңды жаңарту, алаңды автоматты қондырғылармен суару және т.б жұмыстар жасалған.

• 05.06.2024
• 138