Абай облысында қосымша 7 өрт сөндіру бекетін құру жоспарлануда

ҚР Үкіметінің отырысында өрттің қауіпті кезеңіне дайындық мәселелері талқыланды. Отырыста сөз алған Абай облысының әкімі Нұрлан Ұранхаев өңір бойынша осы бағытта атқарылған жұмыстардың нәтижелері туралы баяндады.

Аймақта өрттің алдын алу шараларын бойынша тиісті жұмыстар атқарылуда. 2023 жылы «Ақ Ертіс» қоғамдық қоры есебінен 11 бірлік өрт сөндіру техникасы және 363 жабдық (4 бірлік өрт сөндіру машина, 5 бірлік шағын орман патрульдік кешендер, 2 JAC T6 автокөлігі, өрт сөндіру машиналарына арналған 25 қозғалтқыш, 1 ҰҰА, 20 дана бензинді мотопомпалар және 307 дана рюкзакты өрт сөндіргіштер, 6 дана орман өртке сөндіру рюкзакты құрылғы, 2 бензинді ара және 2 су сыйымдылығы) сатып алынды. Бұдан бөлек республикалық бюджет есебінен «Семей орманы» резерваты үшін 34 бірлік өрт сөндіру техникасы мен 323 жабдық (Камаз базасында 10 бірлік өрт сөндіру машинасы, 14 бірлік шағын орман өрті кешені, 1 бірлік МТЗ тракторы, УАЗ базасында 1 бірлік патрульдік автомобиль, тасымалдауға арналған 8 бірлік өрт сөндіру су тасымалдауға арналған тіркемесі, нысанды және арнайы киім-кешек, 107 мобильді және 216 тасымалды рация) сатып алынды.

Өрт кезінде жедел әрекет ету үшін елді мекендерде 13 өрт техникасы бар 10 өрт сөндіру бекеті құрылды. 2024 жылға облыстың ТЖД техникасының 7 бірлігін бере отырып, қосымша 7 өрт сөндіру бекетін құру жоспарлануда. Облыс бойынша барлығы 62 өрт сөндіру бекеті, 70 техника бірлігі бар.
  
Термиялық нүктелердің ғарыштық мониторингін жүргізу үшін «ҚазақстанҒарышСапары» ҰК» АҚ-пен келісімшарт жасалды. Сонымен қатар, аэровизуалды тексерулер жүргізу және төтенше жағдайларға жедел ден қою мақсатында «Қазавиақұтқару» АҚ-пен тікұшақ тарту жөнінде келісімшарт жасалды. Сонымен қатар, Семей қаласы әуежайының базасымен Қорғаныс министрлігінің облыстық филиалының авиабазасында су төгетін құрылғылары бар 3 МИ-8 әуе кемесі кезекшілік етуде.

Орман-дала алқаптарында өрт қауіпсіздігін қамтамасыз ету үшін ағымдағы жылы құрамында түрлі органдар мен мекемелердің өкілдері бар 32 бірлескен мобильді топ құрылды.

Бүгінгі таңда, облыстың 94 елді мекенінде аумақтарды құрғақ өсімдіктерден және жанғыш қоқыстардан тазарту жүргізілді, елді мекендер мен автомобиль жолдарының айналасында ұзындығы 437,8 шақырым минералданған жолақтар құрылды.
 

Осы бағыттағы жұмыстар жалғасуда әрі қатаң бақылауда.

• 07.06.2024
• 176