Жапонияның Төтенше және Өкілетті Елшісімен кездестім

Жапонияның Төтенше және Өкілетті Елшісі Джун Ямадамен кездесу өткіздім.

Ресми қонақтармен кездесуде Жетісу облысының негізгі даму бағыттарына тоқталдым.

Біздің аймақтың қайта құрылғанына көп уақыт өткен жоқ, небәрі 2 жыл болды. Аймақта шамамен 700 мыңдай халық, 100-ге жуық этнос өкілдері тұрады. Біздің аумағымыз өте үлкен, 118 мың шаршы шақырымнан асады. Өңір аграрлық, бұл ретте көліктік-логистикалық әлеуетті дамытуға ерекше мән беріледі, өйткені біз Қытаймен шекараласпыз, оған қоса туризм саласының да мүмкіндігі мол. Тау туризмін, Алакөл мен Балқаш көлдерінің жағасын дамытамыз. Сондай-ақ, баламалы энергетиканы дамытудың зор перспективалары бар. Сондықтан осы мүмкіндікті пайдалана отырып, жапондық компанияларды, бизнесмендер мен инвесторларды, әсіресе ауыл шаруашылығы өнімдерін өңдеу, туристік және басқа да салаларда ынтымақтастыққа шақырамыз. Сондай-ақ, Жапониядағы сакураның гүлдеуіне ұқсас, жер бетіндегі алма атаулының атасы саналатын Сиверс алма ағашының гүлдеуі фестивалі Жетісуда жыл сайын өткізілетінін атап өттім.

Толығырақ:https://www.gov.kz/memleket/entities/zhetysu-oblysy/press/news/details/790849?lang=kk

• 13.06.2024
• 151