Облыс әкімі құрбан айт мерекесімен құттықтады

Құрметті жамбылдықтар!

Қадірлі ағайын!

Баршаңызды күллі мұсылман қауымы асыға күтетін, қасиетті Құрбан айт мерекесімен шын жүректен құттықтаймын!

Құрбан айт – бауырмашылдық пен ағайын арасындағы татулықты арттырып, баршаны береке мен бірлікке үндейді.

Бұл күндері мейірім мен шапағат, қамқорлық, ізгілік сынды адами асыл қасиеттер дәріптеледі.

Қоғамның рухани-адамгершілік құндылықтарын дамытуда Құрбан айт мерекесінің маңызы зор!

Ұлық мейрам салт-дәстүрімізбен үндесіп, ұрпақтан ұрпаққа жарасымды жалғасып келеді.

Бұл мейрамда құрбан шалынып, ізгі амалдар жасалады. Адамдар мұқтаж жандарға қол ұшын беріп, жәрдем етуге, жанашырлық танытуға асығады.

Құрбан айтта жасаған дұға-тілектеріңіз бен шалған құрбандықтарыңыз қабыл болсын!

Әр отбасына амандық, шаттық пен бақыт, ырыс-ынтымақ тілеймін!

• 17.06.2024
• 98