Облыс әкімі Асайын Байханов әлеуетті инвесторлармен - ресейлік «Ультрадекор ГМХ» ЖШҚ компаниясымен кездесу өткізді

Компания Kronospan ламинатын шығарумен танымал. Біздің өңірде инвестор ДСП (МДФ) және ОСП тақталарын өндіретін жобаны іске асыруды қарастыруда.
 
Кездесуде тараптар бірқатар мәселелерді талқылады - электр энергиясын тұтыну көлемі, логистика, жобаның экологиялық жағын пысықтау және т. б.
 
- Біз инвестицияларды тартуға және өңір тұрғындары үшін жаңа қосымша жұмыс орындары құрылатын ірі жобаларды іске асыруға ерекше көңіл бөлеміз. Өз тарапымыздан әртүрлі қолдау құралдары мен шараларын, сондай-ақ, жобаны іске асырудың барлық кезеңдерінде толық сүйемелдеуді ұсынуға дайынбыз, - деді облыс әкімі.
 
Компания басшылары «Ақсу инвестициялық аймағын» құру орнында болды, сондай-ақ, осы жобаны іске асыру мүмкін болатын тағы бірнеше орындармен танысуды жоспарлап отыр.

• 26.06.2024
• 124