Алматы облысындағы жер қоры

Алматы облысындағы жер қоры - 22 млн. 357 мың га. Сол қатардағы ауыл шаруашылығы мақсатындағы жерлер - 8,3 млн.га, соның ішінде 986,4 мың га - егістік,  6,9 млн. га - жайылымдық жер. Бұл ретте босалқы жерлер көлемі 7,5 млн.га құрайды, оның 4,4 млн.га - жайылым жерлер. 

Өңірдегі жергілікті атқарушы органдар прокуратурамен бірлесіп, 2018-2019 жылдары пайдаланылмай жатқан ауыл шаруашылығы мақсатындағы жалпы көлемі 808,7 мың.га жерді анықтаған. Қолданылған шаралардың нәтижесінде бүгінде 116,24 мың га мемлекеттік меншікке қайтарылды, 23,5 мың га иесі жоқ мүлік ретінде есепке алынды, 623,7 мың га қабылданған шаралардан кейін қайта пайдалануға беріліп, ауыл шаруашылығы айналымына енгізілді, 45,3 мың га жерге қатысты материалдар аудандық, қалалық жергілікті атқарушы органдардың қарауында. 

Алматы облысында қолданылмай жатқан жерлерді анықтау жұмыстары бірнеше жылдан бері жүргізіліп келеді. «Ендігі жерде аудан, қала әкімдіктері пайдаланылмай жатқан жерлерді қайтарып алу ісіне түбегейлі кірісуі керек. Аумақтардағы мұндай жерлердің жалпы алаңы 45,3 мың га құрап отыр. Соның ішінде Алакөл ауданында – 14864 га, Талғар ауданында – 9086 га, Райымбек ауданында – 5402 га, Балқаш ауданында 4744 га, Панфилов ауданында – 3557 га және т.б. бар».

Оған қоса  2020 жылы жерді қашықтан барлау жұмыстарының нәтижесінде «Қазақстан Ғарыш Сапары» ҰК» АҚ-ның аэрокомостық түсірілімдері кезінде 67,9 мың га егістікке жарамды жердің іске асырылмай жатқаны анықталған. Осыған байланысты материалдар жергілікті атқарушы органдарға тиісті шара қолдану үшін жолданды.

Қазіргі кезде қабылданған шаралардың нәтижесінде 0,4 мың га жер мемлекет меншігіне қайтарылды, 35,3 мың га қайта айналымға енгізілді, 32,2 мың га материалдары жергілікті әкімдіктердің қарауында жатыр, соның ішінде 0,7 мың га жерге қатысты әкімшілік шаралар қабылданып, қорытынды тексеру қайта жүргізілетін болады, ал 10,5 мың га жер бойынша ескету жасалған. 

Мемлекет басшысы Қасым-Жомарт Тоқаевтыңың биылғы жылдың 26 қаңтарында Үкіметтің кеңейтілген отырысында пайдаланылмай жатқан жайылымдық алқаптарды мемлекет меншігіне қайтару туралы тапсырмасына байланысты бұл бағыттағы жұмыстар  облыстық жерге орналастыру қызметінің, аудан, қала әкімдіктерінің тұрақты бақылауында болып, ары қарай да қызу жалғасады.

• 10.02.2021
• 294