Естай атындағы мәдениет сарайында өңір кәсіпорындарының өкілдері мен мектептердің 9 сынып түлектерінің кездесуі өтті

Әлеуметтік серіктестер, яғни, қала құраушы кәсіпорындардың өкілдерінің мектептер мен колледждердің білім алушыларымен жүздесуі TEDx форматында өтті. Түлектер үшін Startup жобаларының көрмесі, мастер-класстар, кеңестер ұйымдастырылды.

MamandyqFest іс-шарасына облыс әкімі Асайын Байханов та қатысты.
- Осы жазда өңіріміздің 15 000-нан астам түлегі үлкен өмір жолына қадам басқалы отыр. Ең бастысы - заман талабын ескеру және дұрыс таңдау жасау. Біз жаңа буынның сұраныстарын жақсы түсінеміз: бейіндік дайындық, өзекті білім, дағдыларды пысықтау мүмкіндігі. Біз сіздерді тек сөзбен ғана емес, іспен де қолдауға дайынбыз, - деді өңір басшысы негізгі мектеп түлектеріне.

Биыл колледждерде тегін оқуға мемлекеттік тапсырыс көлемі 37 %-ға немесе 6 200 орынға ұлғайды. Сырттан келген студенттер жатақханамен, тамақтанумен және жол ақысы үшін өтемақымен қамтамасыз етілген.
Осы жылдың 1 қыркүйегінен бастап стипендия тағы 50 %-ға ұлғаяды. 250 мың теңгеге дейін жалақы төленетін тәжірибе қарастырылған, бұл ретте тәжірибеден өткен кезеңі еңбек өтіліне есептеледі.

34 колледжде «Креативті индустрия» мамандықтары бойынша сертификат берілетін «Жаңа кәсіптер мен құзыреттердің өңірлік атласы» жобасы іске асырылуда. Өңір кәсіпорындарымен өзара қарым-қатынастың арқасында түлектердің 96 %-ы жұмысқа орналастырылды.
Өндірістік тәжірибені іздеу бойынша ақпараттық платформа өздігінен іздеуді автоматтандырды және көптеген адамдарға жұмыс табуға көмектесті.

Сонымен қатар, өңірде 10 мыңнан астам жаңа жұмыс орындарын құруға мүмкіндік беретін негізгі инвестициялық жобалар іске асырылуда. Мұнда жұмыс берушілермен ынтымақтастық өте маңызды рөл атқарады. Мысалы, ERG компаниясымен жасалған меморандум аясында 8 колледж техникалық және кәсіптік білім алып шығатын «Әмбебап мамандарды» даярлайды.

Іс-шара соңында Асайын Байханов «WorldSkillsPavlodar-2024» өңірлік конкурстың жеңімпаздары мен жүлдегерлерін марапаттау рәсіміне қатысты. Конкурс 48 құзыреттілік бойынша өткізіліп, 243 колледж студенттері қатысты.
MamandyqFest іс-шарасы әлеуметтік серіктестердің мектеп түлектеріне бейне-үндеуімен, колледждердің табысқа жеткен түлектерінің сөз сөйлеуімен және мамандықтардың флешмобымен аяқталды.

• 26.06.2024
• 126