Облыс әкімі Асайын Байханов реконструкциядан және күрделі жөндеуден өткен Павлодар медициналық жоғары колледжінің жатақханасына барды

Облыс әкімі Асайын Байханов реконструкциядан және күрделі жөндеуден өткен Павлодар медициналық жоғары колледжінің жатақханасына барды.

1969 жылы салынған ғимарат алғаш рет толықтай реконструкцияланды. Қазір мұнда 65 бөлме бар: оның 35-і ауылдардан келген 107 студентке берілген, ал, 4 қабаттағы бір және екі бөлмелі пәтерлерге жас дәрігерлер, балалары бар және балалары жоқ отбасылар қоныстанды.

Асайын Байханов болашақ медицина қызметкерлері үшін қолайлы жағдай жасаудың әлеуметтік маңыздылығын атап өтті.
- Студенттердің тұрғын үй мәселесі шешілгеніне өте қуаныштымын. Сапалы медициналық қызмет көрсету білікті кадрларды дайындаумен тікелей байланысты. Біз үшін бұл өте маңызды және осындай жайлы жағдай жасауды жалғастырамыз, - деді облыс әкімі.

Барлық бөлмелер жиһаздармен жабдықталған, электр плитасы, тоңазытқыш және микротолқынды пеш, жуынатын бөлмесі бар. Сондай-ақ, білім алушылардың дайындалулары үшін кабинеттер қарастырылған.

1 қабатта буфет, компьютерлермен, әдебиеттермен, интернетпен жабдықталған оқу залы, сондай-ақ, коворкингтер, тренажер залы, изоляторы бар медициналық пункт орналасқан. Залда теледидар, интернет және жұмсақ жиһаз орналастырылған демалыс бұрышы жабдықталған.

Көптеген жылдар бойы жатақхананың болмауы 75 жылдық тарихы бар колледждің өзекті мәселесі болды.
- Медициналық жоғары колледж 1949 жылы жұмысын бастап, мыңдаған жоғары дәрежелі медицина қызметкерлерін дайындап шығарды. Қазіргі студенттер үшін тамаша жағдай жасалған. Осынау игілікті іс және мемлекет тарапынан қолдау өте маңызды,- деп атап өтті денсаулық сақтау саласының ардагері Мұрат Сүлейменов.

• 27.06.2024
• 179