- Блогтар
- Байханов А.
Байханов А.
Павлодар облысының әкімі
Облыс әкімі жұмыс сапарымен Баянауыл ауданына барып қайтты
Ауданда «Ауыл - ел бесігі» бағдарламасы бойынша 937,7 млн. теңгеге 6 жоба іске асырылуда.
Бірлік ауылында 1987 жылы салынған ауылдық мәдениет үйіне күрделі жөндеу жүргізілуде. Бүгінгі таңда мұнда терезелерін ауыстыру, еденін тегістеу аяқталып, ішкі әрлеу жұмыстары жүргізілуде.
Сонымен қатар, ауылдың ішіндегі 6 км жолға орташа жөндеу жұмыстары жоспарланған. Қиыршық тас жеткізілуде.
Сондай-ақ, Құндыкөл ауылының мәдениет үйіне күрделі жөндеу, 3,5 км жолдарын жөндеу және жарықтандыру жұмыстары жүргізілуде. Барлық жұмыстар кестеге сәйкес орындалуда.
Жұмыс сапары барысында өңір басшысына ауданның 2024-2025 жылдарға арналған инвестициялық жобалары таныстырылды. Олардың ішінде «Асқар» ШҚ-ның 270 млн. теңгеге 100 га алқапты суармалы жерге айналдыру және «Берекет-1» ЖШС-нің 3,5 млрд. теңгеге шұбат өндірісін ұлғайту инвестициялық жобалары бар. Кәсіпорын тәулігіне мың литр шұбат пен 500 литр йогурт өндіруге ниетті. Фермерлер өз өнімдерін тек өңірде ғана емес, Астанаға да сатуда.
- Бұл Баянауыл ауданындағы осындай бағыттағы алғашқы бизнес. Оың дамуына қолдау көрсету қажет, - деп атап өтті өңір басшысы.
«Үштаған GOLD» ЖШС алтын өндіруші фабрикасы жылына 800 мың тоннаға дейін құрамында алтын бар кенді өндіруді жоспарлап отыр. Инвестиция көлемі 11,6 млрд. теңгені құрайды, 250-ден астам жаңа жұмыс орны құрылады.
Одан кейін облыс әкіміне Баянауылда коворкинг пен конференцияларға арналған арнайы кабинеттер, мультимедиялық мұражай және т.б. орналасатын визит-орталықтың құрылыс жобасы таныстырылды.
Тағы бір жоба: Баянауыл ауылындағы Сабындыкөл көлінің жағажай аймағына кіре беріс жерде бақылау алаңын салу. Облыс әкімінің тапсырмасы бойынша мұнда Павлодар жағажайына ұқсас ағаштан жасалған жолдарды, күннен қорғайтын шатырларды, жатын орындарды, душ пен киім ауыстыратын орындарды орналастыра отырып, жағажайды абаттандыру жоспарлануда.
Сондай-ақ, Асайын Байханов Баянауыл ауылындағы ҰОС батырларының стеласы бойындағы жаяу-серуендеу аймағын реконструкциялау жобасымен танысты. Облыс әкімі жасыл желектердің санын көбейтіп, құрғақ субұрқақты орнату арқылы кесек тастардың санын азайтуды тапсырды.
Одан әрі өңір басшысы Қаражар, Мұса Шорман және Құндыкөл ауылдарының ішіндегі жолдарды және мектептерді жөндеу жұмыстары қалай жүргізіліп жатқанын тексерді. Нысандарда жұмыстар жалғасуда.
Облыстық бюджеттен бөлінген бонустық трансферттер есебінен ауданда 15 инфрақұрылымдық жоба іске асырылуда. Олардың ішіндегі ең маңыздыларының бірі - Майқайың кентіндегі көпқабатты тұрғын үйлердің аулаларын абаттандыру. Биыл 7 аулада жұмыстар жүргізілуде, яғни, кенттегі 59 көпқабатты тұрғын үйдің 11-не қолайлы жағдай жасалатын болады.
Облыс әкімі аудан басшылығына бағдарлама әзірлеп, қалған барлық 26 ауланы кезең-кезеңімен ретке келтіруді тапсырды.
- 27.06.2024
- 108