- Блогтар
- Ербол Қарашөкеев
Ербол Қарашөкеев
Жамбыл облысының әкімі
Құрметті мемлекеттік қызметшілер, сала ардагерлері!
Сіздерді Мемлекеттік қызметші күні мерекесімен шын жүректен құттықтаймын!
Мемлекеттік қызметшілер ел дамуының қозғаушы күші! Халық пен билік арасындағы алтын көпір.
Еліміздің өркендеуі мемлекеттік қызметшінің білімі мен біліктілігіне, нәтижелі әрі ұтымды еңбегіне тікелей байланысты.
Мемлекеттік қызмет – халықтың сенімін ақтау, ұлтымыздың абыройын асқақтату. Сондықтан мемлекеттік қызметшіге жауапкершілік жүгі жоғары міндеттер жүктелген.
Халқымызда «Ұлық болсаң, кішік бол» – деген дана сөз бар. Мемлекеттік қызметші халыққа жақын болып, ел мүддесін бірінші орынға қоюы тиіс. Әрбір мемлекеттік қызметші осы қағиданы ұмытпағаны жөн!
Қадірлі әріптестер!
Жас мемлекетімізді қалыптастыруға, өңіріміздің одан әрі өркендеуіне қосқан еңбектеріңіз үшін баршаңызға алғыс білдіремін!
Алдағы уақытта да халқымызға қалтқысыз еңбек етіп, өз міндеттеріңізді мінсіз атқарады деген сенімдемін!
Мемлекеттік қызметші деген абыройлы атқа үнемі лайық болыңыздар! Дендеріңізге саулық, отбасыларыңызға амандық, бақ-береке тілеймін!
Кәсіби мерекелеріңіз құтты болсын!
- 28.06.2024
- 145