Құрметті журналистер, бұқаралық ақпарат құралдарының өкілдері!

Сіздерді төл мерекелеріңізбен шын жүректен құттықтаймын!

Ақпарат ағыны – қоғамдық пікірді қалыптастыратын маңызды сала.

Сіздердің еңбектеріңіз арқылы елдің талабы мен тілегі, ойы мен пікірі, мұқтаж жандардың өмірі айқын көрініс тауып келеді.

Осы тұста Шерхан Мұртазаның «журналистің арқалағаны алтын, жегені жантақ» деген ғұмырлы сөзі еріксіз еске түседі.

Расында, журналистика саласына артылар міндет пен жүк ауыр.

Бүгінгі әлеуметтік желінің ықпалы артқан кезеңде елге шынайы әрі сапалы ақпарат беру үшін кәсіби біліктілік пен батылдық керек.

Сіздердің осы бағыттағы үздік қызметтеріңізге шынайы алғысымды білдіремін.

Ақпарат әлемінің өткен дәуірінде өңірімізден шыққан қазақ журналистикасының қара нарлары есімдерін алтын әріппен қалдырғаны белгілі.

Олардың қатарында Шерхан Мұртаза, Арғынбай Бекбосын, Әлдихан Қалдыбаев, Бақтияр Әбілдаев, Мұса Рахманбердиев, Баттал Жаңабайұлы және тағы басқа аға буынның есімін біз әрқашанда құрметпен еске аламыз.

Өздеріңіз жақсы білесіздер, жақында ғана Мемлекет басшысы ақпараттық қауіпсіздікті қамтамасыз ету және журналистердің мәртебесін көтеру мақсатында «Масс-медиа туралы» Заңға қол қойған болатын.

Жаңа Заң журналистердің игілігіне қызмет атқарарына сенімім мол!

Қадірлі БАҚ өкілдері!

Баршаңызды мерекелеріңізбен құттықтай отырып, дендеріңізге саулық, отбасыларыңызға амандық, шығармашылықтарыңызға шабыт және жаңа жетістіктер тілеймін!

• 28.06.2024
• 171