Өткен аптадағы ел спортшыларының жарқын жеңісі

Еркін күрес: Халықаралық күрес федерациясы еркін күрестен 57 келідегі Ұлттық құрама палуаны Мейрамбек Қартбайға Париж Олимпиадасының жолдамасын бергенін ресми мәлімдеді. Бұған Ресей балуандарының Олимпиадаға қатыспайтындығы жөніндегі шешімі әсер етті.

Пара оқ ату: Халықаралық Паралимпиада комитетінің үш жақты бипарт комиссиясының шешімімен қазақстандық пара спортшы Севда Алиева пара оқ атудан Париж-2024 Паралимпиадасының лицензия иегері атанды. Севда 10 метрлік P2 пневматикалық тапаншамен ату дисциплинасында өнер көрсетеді.

Әйелдер күресі: Испания астанасы Мадридте өткен күрес түрлерінен Гран-при турнирінде Қазақстан әйелдер құрамасы төрт медаль жеңіп алды. Ирина Казюлина (65 кг), Жәмила Бақбергенова (72 кг) және Эльмира Сыздықова (76 кг) – күміс, Лаура Әлмағанбетова (57 кг) қола медаль еншіледі.

• 15.07.2024
• 114