Азаматтарды қабылдадым

Кезекті рет азаматтарды қабылдау өткіздім. Туризм және спорт министрлігінің қызметіне бей-жай қарамайтын адамдардың бірқатар ұсынысы мен өзекті мәселелерін тыңдадым.

Бізге ұлттық спорт жанашырлары көкейкесті сұрақтарды жеткізуге келді. Олар Астана қаласының маңындағы Қараөткел ауылында ұлттық спорт түрлерімен айналысуға, дайындық жасауға қолайлы спорттық нысандардың аз екенін айтты. Бұл мәселе алдағы уақытта Астана қаласы әкімдігімен бірлесіп қаралады.

Сондай-ақ қабылдау барысында спорт саласында ұзақ жылдар еңбек етіп жүрген мамандардың жұмыспен қамтылуы, еліміздің туризм саласын дамыту, шетелдіктерге таныту мақсатында әлеуметтік роликтер жасау, ерекшелігі бар адамдардың спортпен еркін айналысуына мүмкіндік жасау, ел чемпионаттарына қатысатын спортшылар мен олардың бапкелеріне құрметпен қарау, оларға тең мүмкіндік беру сияқты ұсыныстар айтылды. Сонымен қатар қоғам өкілдері тарапынан тағы бірнеше өзекті мәселені тыңдадым.

Азаматтардың барлық өтінішін министрлік қызметкерлері бақылауға алды. Жауапты тұлғаларға тиісті тапсырмалар берілді.

• 16.07.2024
• 167