Қазақстан ұлттық құрамасының спортшыларымен кездестім

Алматы облысындағы Олимпиадалық даярлау орталығында нысана көздеуден ұлттық құрама спортшылары Париж Олимпиадасы алдындағы соңғы оқу-жаттығу жиындарын өткізіп, дайындықтарын тағы бір мәрте пысықтап алды.

Спортшыларымызды Франция астанасына шығарып салу рәсімі барысында мергендердің жаттығуына арнайы барып, дайындықтарын көріп қайттым. Спортшылармен, жаттықтырушылармен тілдесіп, алдағы байрақты бәсекеге сәттілік тіледім.

Олимпадада нысана көздеуден ел намысын алты спортшы қорғайды. Спортшылардың бәрі халықаралық жарыстарда оза шауып, өз мықтылықтарын дәлелдеген. Енді оларға осы күнге дейін жиған шеберліктерінің, тәжірибелерінің арқасында намысты қолдан бермей, ел үмітін ақтау ғана қалды.

Нысана көздеуден ұлттық құрама өкілдерді Париж төрінде ел намысы үшін аянып қалмай, жанкүйерлерді жүлделермен қуантады деген үміттемін.

• 24.07.2024
• 104