- Блогтар
- Байханов А.
Байханов А.
Павлодар облысының әкімі
Павлодар облысы бірінші жартыжылдықта бюджеттің орындалуы бойынша көш басында
Облыс әкімдігінде облыстың әлеуметтік-экономикалық даму қорытындылары, биылғы жылдың 6 айындағы бюджеттің орындалуы және өңірдегі фитосанитарлық жағдай мәселелері қаралды.
Бірінші жартыжылдықтың қорытындысы бойынша барлық базалық макро көрсеткіштер бойынша оң динамика байқалады. Қысқа мерзімді экономикалық индикатор – 103,5% құрады. Нақты көлем индексі 102,5% жетті.
Өңдеу секторында 7,4%-ға және электрмен жабдықтау саласында 2,7%-ға өсім байқалады. Ауыл шаруашылығы саласының көлемі 4,7%-ға ұлғайды. Өңір экономикасына 395 млрд. теңге инвестиция тартылды. Өсім қарқыны – 114,8% құрады.
Облыс әкімі Баянауыл ауданы бойынша «Майқайың-алтын» АҚ және «Майкубен-Вест» ЖШС есебінен төмендеген динамикаға назар аударды.
Өңір басшысы жоспарлы көрсеткіштерге талдау жүргізуді және макрокөрсеткіштердің өңірлік бөлінісін келісуге енгізуді тапсырды.
1 шілдедегі жағдай бойынша облыс бюджетіне 186,1 млрд. теңге (жоспар бойынша - 177,4 млрд. теңге) көлемінде кіріс кірді. Бюджеттің орындалуы 104,9% құрады. Кіріс жоспары 8,7 млрд. теңгеге асыра орындалды. Аумақтық бөліністе меншікті кіріс жоспарлары барлық аудандарда орындалды. Өткен жылмен салыстырғанда түсімдердің өсімі 30,3 млрд. теңгені немесе 119,4% құрады.
Облыс бюджетінің жоспарланған 260,9 млрд. теңге шығындары 260,9 млрд теңгеге игеріліп, 100% құрады. Бірінші жартыжылдықтағы бюджеттің орындалу көрсеткіштері бойынша облыстар бөлінісінде өңір 1 орынға тұрақтады.
Фитосанитариялық қауіпсіздікті қамтамасыз ету мақсатында 116,7 мың га алқапқа шегіртке зиянкестеріне қарсы химиялық өңдеу жүргізіліп, 100% орындалды. 173,5 мың га алқапқа арамшөптерге қарсы химиялық өңдеу жұмыстары жүргізілді.
Омбы, Новосібір облыстарының және Алтай өлкесінің 13 ауданымен шекаралас аумақтардағы 55,5 мың гектарға мониторингтік тексерулер жүргізілді.
Карантинге жатқызылған өнімді өткізу кезінде фитосанитариялық талаптарды бұзғаны үшін 113 бұзушылық анықталып, 12,6 млн. теңгеге әкімшілік айыппұл салынды.
Өңір басшысы аумақтық инспекцияға, фитосанитариялық диагностика және болжау орталығының облыстық филиалына 2025 жылы химиялық өңдеудің болжамды көлемі үшін егістіктердің «септариоз», «тот» ауруларымен ластануына, жұмыртқа салу кезеңінде шегіртке зиянкестеріне уақтылы тексеру жүргізуді, сондай-ақ, Ресеймен және ҚР облыстарымен басқа да шекаралас аудандарда фитосанитариялық жағдайды ерекше бақылауда ұстауды тапсырды.
- 25.07.2024
- 82