Жалпы Жамбыл облысында жаңартылған энергия көздерін дамытуға барлық жағдай жасалуда.

Жалпы Жамбыл облысында жаңартылған энергия көздерін дамытуға барлық жағдай жасалуда. Бұл тұрғыда өңірдің әлеуеті зор және оны толық көлемде пайдалану қажет. Менің төрағалығыммен облыстық әкімдікте өткен кезекті аппараттық кеңесте осы орайдағы жұмыстар барысы жан-жақты сараланды.

Жамбыл облысында алдағы екі жылда баламалы энергия көздерінің төрт нысаны іске қосылады. Осылайша, 2022 жылға қарай  жаңартылған энергия көздері нысандарынан алынатын энергияның жалпы көлемі 430,6 мегаватты құрайтын болады. Қазірдің өзінде өңірде 13 баламалы энергия көздері жұмыс істейді десек, олармен еліміздегі күн, жел және су арқылы алынатын электр энергиясының 20 пайызы қамтамасыз етіледі.

Баламалы энергия көздерін дамыту бойынша жұмыстар ойдағыдай жүріп жатыр, оған климаттық жағдайымыз да қолайлы. Осы орайдағы еліміз бойынша ең жоғарғы көрсеткіш бізге тиесілі. Сондықтан жұмысты жалғастыра отырып, түрлі нұсқаларды қарастырып, инвесторлар тарту шаралары қолға алынуда. Атап айтсақ, 2023-2025 жылдары жүзеге асыру үшін тағы төрт жоба жоспарлануда.

Аппараттық кеңесте энергетика және тұрғын үй-коммуналдық шаруашылық басқармасының басшысына аудандар бойынша баламалы энергия көздерін дамыту картасын әзірлеуді тапсырдым.

• 11.02.2021
• 307