Өткен сенбіде Тараз қаласындағы 200 төсек-орынды облыстық онкологиялық диспансерінің құрылысы барысымен таныстым.

Өткен сенбіде Тараз қаласындағы 200 төсек-орынды облыстық онкологиялық диспансерінің құрылысы барысымен таныстым. Аурушаңдықтың ерекшеліктерін ескере отырып салынған онкологиялық ауруларды емдеуге арналған заманауи кешен ағымдағы жылдың жазында белгіленген мерзімінен бұрын ашылуы тиіс. Бұл бойынша тиісті тұлғаларға нақты тапсырма жүктедім.

Құрылысшылар негізгі жұмыстардың аяқталуға таяғанын, коммуникацияларды тарту және реттеу, ғимараттарды әрлеу және жабдықтарды орнату шаралары ғана қалғанын жеткізді. Нысанның мерзімінен тапсырылуы науқастары заманауи жабдықтармен және ыңғайлы жағдайда емдеуді ертерек бастауға мүмкіндік береді.

100 адамға арналған емханасы бар, 200 адамды стационарлық және 25 адамды амбулаториялық емдеуге арналған онкологиялық орталық шамамен бес гектар аумақта орналасқан. Ауруханада торакальды және жалпы хирургия, гематология, гинекология, химиотерапия, реанимация бөлімдері бар. Ол трансформаторлар, қазандық пен газ сорғы станциясымен жабдықталған, толығымен автоматтандырылған қалашық болып табылады.

• 11.02.2021
• 303