Қазақ спортының даңқы арта берсін!

Ел баласы — Елдосты Жамбыл жұрты зор қошеметпен, айрықша құрметпен, сән-салтанатымен күтіп алды.

Даңқты спортшы Жақсылық ағамыздың жолын жалғап, арманын орындаған Елдос — өзінің табандылығы, ерлігімен Олимп шыңын бағындыра білді.

Ол осылайша Мемлекет басшысының, барша жанкүйерлерінің, жамбылдықтардың сенімін ақтай алды.

Тәуелсіз Қазақстанның тарихында дзюдодан тұңғыш Олимпиада чемпионы атанып, ел қоржынына алғашқы алтынды салған, Олимпиаданың үш дүркін жүлдегерінің есімі ел тарихында қалары сөзсіз.

Қазақ елін әлем алдында паш еткен небір сайыпқырандар, саңлақ спортшылардың дені – Әулиеата топырағынан түлеп ұшқан.

Әулиеата өңірі – чемпиондар өлкесі, мықты бапкерлер ордасы.

Қасиетті Жамбыл жері – ер Елдостың жеңісінен кейін жауырыны жер иіскемеген палуандардың Астанасы десек қателеспейміз.

Елдостың ерлігі мен жеңісі барша қазақстандықтың ортақ қуанышы!

• 08.08.2024
• 164