«Естілердің айтқан сөздерін ескеріп жүрген кісі өзі де есті болады».

Павлодарда есімі әдебиет пен философияның әлемдік тарихында мәңгілікке жазылған ұлы ойшыл, ақын және ағартушы Абай Құнанбаевтың рухына тағзым жасалды.

Қазақ халқын білім мен дамуға шақырған оның шығармашылығы мен мол мұрасы бүгінде өз құндылығын жоғалтқан емес. Ұлы ойшылдың артында қалдырған мұрасы даналыққа, адамгершілікке және жақыныңа деген жанашырлыққа үндейді.

Бүгін Павлодарда Абайдың ескерткішіне гүл шоқтарын қою рәсімі өтті. Іс-шараға облыс әкімі Асайын Байханов, өңірдің құрметті азаматтары, жұртшылық, зиялы қауым өкілдері және жастар қатысты.

Өңір басшысы қатысушыларды Абай күнімен құттықтап, ұлы ақынның мұрасын қастерлеп, ұрпақтан-ұрпаққа жеткізіп отыруымыз керек екенін атап өтті!

• 13.08.2024
• 71