Қазақстан Египетте өткен халықаралық конференцияға қатысты

Каирде "Жаһандық әлемдегі пәтуа және этикалық негіздер"тақырыбында халықаралық конференция өтті. Іс-шараға ҚР Мәдениет және ақпарат министрлігінің, Қазақстан мұсылмандары діни басқармасының өкілдері, сондай-ақ ислам ғалымдары, мүфтилер мен дінтанушылар қатысты. Конференция тәжірибе алмасу және діни саланың өзекті мәселелерін талқылау үшін маңызды алаңға айналды. Сапар аясында "Әл-Азхар" университетінде оқитын қазақстандық студенттермен кездесулер өтті. Қатысушылар діни білім беру мәселелерін талқылады. Сонымен қатар, ҚР МАМ дін істері комитетінің өкілдері мен ҚМДБ теологтары діни қауіпсіздіктің өзекті мәселелері бойынша тәжірибе және пікір алмасу үшін Египеттің алдын алу және оңалту саласындағы уәкілетті мекемелерімен кездесті.

• 23.08.2024
• 145