ҚР Қаржы министрлігі Мемлекеттік мүлік және жекешелендіру комитеті төрағасының міндетін атқарушы Н.Ә. Әділбековтің Абай облысы тұрғындарымен кездесуі

Бүгін Қазақстан Республикасы Қаржы министрлігі Мемлекеттік мүлік және жекешелендіру комитеті төрағасының міндетін атқарушы                  Н. Ә. Әділбеков онлайн форматта Абай облысы тұрғындарымен кездесу өткізді.

Кездесуге Абай облысы Қаржы басқармасының басшысы А.С. Смаилов, үкіметтік емес ұйымдар өкілдері, БАҚ өкілдері қатысты.

Комитет төрағасының міндетін атқарушы Нұрмахан Әбілқасымұлы Әділбеков Қазақстандағы жекешелендірудің тарихына, жекешелендіру арқылы экономиканы одан әрі мемлекет иелігінен алу мақсаттарын және жалпы республика және Абай облысы бойынша 2021-2025 жылдарға арналған Жекешелендірудің кешенді жоспарының ағымдағы іске асырылу барысы туралы қысқаша айтып өтті.

Кездесуге қатысушылар жекешелендіру, сондай-ақ тәркіленген мүлікті сату және пайдалану мәселелері бойынша сұрақтар қойды.

Қойылған сұрақтардың барлығына жауап берілді.

Кездесу барысында бұл қарым-қатынас форматы мемлекеттік органның қызметіне қатысты өзекті мәселелерді қарастырудың практикалық жолы екендігі баса айтылды.

• 27.08.2024
• 123