Сарыөзек тұрғындарын сапалы ауыз сумен қамту үшін 178,6 км сумен жабдықтау жүйесінің құрылысы жүруде

Сарыөзек ауылының халқын сапалы ауыз сумен қамту мақсатында 178,6 км сумен жабдықтау жүйесінің құрылыс жұмыстары жүріп жатыр. 

Жалпы Кербұлақ ауданында 63 елді мекеннің 39-ы орталықтандырылған сумен қамтылған. Дегенмен Сарыөзек ауылының тұрғындарын сапалы ауыз сумен қамтамасыз ету өзекті мәселелердің қатарында.

Биыл Қарашоқы, Шаған және Қарымсақ ауылдарында сумен жабдықтау желілерінің құрылыстары аяқталған, осы айдың соңында толық су беріледі. Бұдан басқа, Ақбастау, Тастыөзек, Қосағаш, Қазынсу ауылдарында жер асты суларының қоры анықталып, сумен жабдықтау жобалары әзірленді. Сондай-ақ, Онжас, Шанханай, Көктал, Күреңбел, Көкбастау, Қарлығаш, Беріктас, Басши ауылдары және Малайсары станциясында жер асты суларының қорын зерттеу жұмыстары жүргізілуде.

Толығырақ облыс әкімдігінің ресми сайтында https://www.gov.kz/memleket/entities/zhetysu-oblysy/press/news/details/844884?lang=kk

• 13.09.2024
• 102