Облыс әкімдігінде ағымдағы жылдың 8 айында азаматтардың өтініштерімен жұмыс және «Халық үніне құлақ асатын мемлекет» тұжырымдамасын іске асыру барысы қаралды

Күн тәртібіндегі негізгі мәселелер қаралғанға дейін өңір басшысы Асайын Байхановқа жылуды қосу жұмыстарының қалай жүргізіліп жатқандығы баяндалды. Биыл жылу беру маусымы әдеттегіден бір аптаға ерте басталды: 9 қыркүйектен бастап әлеуметтік нысандарға, ал, 16 қыркүйектен бастап көпқабатты үйлерге жылу беріле бастады.
 
Бүгінгі таңда облыс орталығындағы 294 әлеуметтік нысанның 178-і (63%) және 1300 көпқабатты тұрғын үйдің 82-сі, Екібастұздағы 79 әлеуметтік нысанның 36-сы жылумен қамтамасыз етілді.
Сондай-ақ, облыстың 8 ауданындағы барлық әлеуметтік нысандарға жылу берілді, ал, қалған 2 ауданда бұл жұмыстар 20 қыркүйекке дейін аяқталады. Өңір басшысы жылудың уақытылы берілуіне күнделікті негізде бақылау жүргізуді тапсырды.
 
Павлодар облысы әкімі аппаратының басшысы Дидар Ибраев «Халық үніне құлақ асатын мемлекет» тұжырымдамасының іске асырылу барысы туралы баяндады. Осы жылдың 8 айында өңірдің мемлекеттік органдарына 61.000 өтініш келіп түсті, оның ішінде жергілікті атқарушы органдарға - 30.110.
Өтініштердің басым көпшілігі ТҮКШ, әлеуметтік қамсыздандыру, еңбек қатынастары, денсаулық сақтау, білім беру, жерді пайдалану мәселелерін шешуге қатысты. Соның ішінде өтініштердің 55%-ы оң шешімін тауып, қалғандары бойынша тиісті түсініктемелер берілді.
 
«Е-өтініш» сервисінен басқа азаматтардан сұрақтар әлеуметтік желілер мен WhatsApp желісі арқылы келіп түседі. Жедел сипаттағы 17 782 өтініштің 14000-ы оң шешімін тауып, қалғандары бойынша түсініктемелер берілді.
 
Президент Әкімшілігінің тапсырмаларын орындау ерекше бақылауда. Биыл жоғары органдардан 512 өтініш және 39 тапсырма келіп түсті. ҚР Президенті Әкімшілігінің өтініштері мен тапсырмаларының қарау мерзімдерінің бұзылуына жол берілген жоқ. Павлодар облысы орталық мемлекеттік органдарға берілетін өтініштер бойынша ҮЗДІК өңірлердің қатарында емес. Көптеген сұрақтар сапа мен қарау мерзімдерін жүйелі бақылаудың арқасында жергілікті деңгейде шешіледі.
2023 жылдың қорытындысы бойынша мемлекеттік органдардың ашықтық индексін бағалау бойынша Павлодар облысы 1 орынға тұрақтады. 
 
Облыс әкімінің тапсырмасы бойынша аудандар мен кәсіпорындарда азаматтарды көшпелі қабылдау жалғасуда. Облыс әкімдігінің ғимаратында халықпен жұмыс істеудің бірыңғай стандартын қамтамасыз ету мақсатында 2023 жылдың 15 желтоқсанынан бастап «open әкімдік» жұмысы азаматтарды қабылдаудың бірыңғай орталығы болып қайта құрылды.
 
Асайын Байханов Ақтоғай, Шарбақты және Тереңкөл аудандарының тұрғындарынан түскен өтініштер санының артуына, сондай-ақ, Железин және Павлодар аудандарының әкімдері өткізген қабылдаулар санының аздығына назар аударды. «Қалалық су-арнасының», «Жылу желілерінің» авариялық қызметтеріне шағымдар көптеп түседі. Сондай-ақ, жаңа оқу жылына дайындық кезеңінде балаларды бірінші сыныпқа қабылдау бойынша келіп түскен өтініштер саны едәуір өсті, емханалар мен ауруханалардың медициналық қызметтері бойынша да сұрақтар бар. Осыған байланысты аппараттық жиналыста аудандар мен басқармалардың басшылары тыңдалды.
 
- Бізде халықпен жұмыс жасаудан артық маңызды жұмыс жоқ. Барлық сұрақтар бойынша жоғары құзыреттілік, басқарушылық шешім қабылдауда жауапкершілік болуы керек. Өтініштерде айтылған азаматтардың дәлелдемелері халықтың негізделген шағымдарын тудыратын себептерді жоюға көмектесуі тиіс, - деді Асайын Байханов.
 
Бұған дейін өңір басшысы облыс тұрғындарының өтініштерін қабылдайтын 109 қызметін қайта форматтауды тапсырған болатын.
109 қызметінің алдына қойылған міндеттердің бірі - қаланың барлық коммуналдық қызметтерінің диспетчерлік қызметтерін колл-орталықтың бірыңғай қызметіне біріктіру. Осы аптадан бастап «109» орталығына барлық ақпараттар берілетін болады.

Талқылау соңында өңір басшысы қалалар мен аудандардың әкімдеріне, басқарма басшыларына өтініштердің қайталануын болдырмау үшін оларды қарау сапасын арттыру жөнінде шаралар қабылдауды, жүйелі мәселелерді қадағалауды, жеке қабылдаудың кестелеріне сәйкес бірінші басшылардың қатысуын қамтамасыз етуді тапсырды.

• 18.09.2024
• 49