Өңір басшысы Асайын Байханов облыстың егіс алқаптарындағы орақ науқанының барысын тексеруді жалғастырды

Биыл Успен ауданында егіс алқабы 251,8 мың гектарды құрады, бұл өткен жылғы деңгейден 2,3 мың гектарға артық. Бүгінгі таңда 76 мың гектар алқап орылды, оның ішінде 43,4 мың гектар алқаптағы дәнді дақылдар жиналды.
 
Аймақ басшысы «Мансур» ФҚ-да болды. Мұнда фермерлер кеш себілген күнбағыстан жақсы өнім аламыз деп отыр. «Нурлан и К» ФҚ фермерлері де үлкен көлемде күнбағыс отырғызған. Шаруашылық 43 млн. теңге субсидия алып, инвестициялық жоба бойынша заманауи Lovol2204 тракторларын сатып алды.
Одан кейін облыс әкімі бидай мен қарақұмық жинап жатқан «Галицкое» ЖШС егістігіне барды. Бұл жаңа 553 га жерді суармалы алқапқа айналдырып, жүгері еккен аудандағы жалғыз шаруашылық. Келесі жылы 445 га жерді суармалы алқапқа айналдыру бойынша тағы бір жобаны іске асыру жоспарланған.
 
Успен ауданынан шығып
Асайын Байханов Шарбақты ауданының егіс алқаптарын аралады. Биыл ауданда ауыл шаруашылығы дақылдары 202,8 мың га алқапқа егілді.
 
Облыс әкімі Заборовка ауылында «Доменка» ШҚ-ның күзгі-дала жұмыстарының барысымен танысты. Мұнда 548 га алқапқа егілген бидайды жинау жүріп жатыр.
 
«Победа» ЖШС-де Асайын Байханов қазіргі егін науқанының ерекшеліктерін, ауыл шаруашылығын дамыту мәселелерін талқылады. Өңір басшысына астық, көкөніс қоймалары, егінді сақтау бойынша пайдаланылып жатқан жаңа агротехнологиялар көрсетілді.
 
«Никром» ШҚ-дағы тәжірибелік алқаптарда жоғары тиімділікке қол жеткізу үшін күнбағыстың 39 түрі егілді. Сонымен қатар, Case комбайндары, IH Magnum тракторлары, қопсытқыштар, орақтар мен отырғызғыштар сатып алынды. Өңір басшысы фермерлердің агроөнеркәсіптік кешен саласын дамытуға қосып жатқан үлесін атап өтіп, Абай ат. ЖШС-нің мысалы негізінде қызметкерлерді көтермелеу мен жалақысын көтеру туралы еске салды.
 
Сапар соңында әкім «Зерно» ЖШС-нің күнбағыс, қарақұмық алқаптарында болып, шаруалардың сұрақтарын тыңдап, аудан әкіміне егін жинауға көмек көрсетуді және уақтылы қолдауды тапсырды.

• 23.09.2024
• 54