Мемлекет басшысы Қазақстан халқына Жолдауында бұқаралық спортты дамыту мен ұлт денсаулығын нығайтудың маңыздылығын атап өтті

Мемлекет басшысы Қазақстан халқына Жолдауында бұқаралық спортты дамыту мен ұлт денсаулығын нығайтудың маңыздылығын атап өтті.

Ағымдағы жылдың басынан бастап 12 дене шынықтыру-сауықтыру кешенінің құрылысы жүргізілуде. 5-еуі пайдалануға берілді, қалғандарының құрылысы жыл соңына дейін аяқталады.

Қарабалық ауданындағы дене шынықтыру-сауықтыру кешені жергілікті тұрғындар үшін бас қосатын жаңа орынға айналады. Оның құрылысына 1,3 млрд. теңгеден астам қаражат жұмсалды. Онда күнде шамамен 380 адам спортпен шұғылдана алады.

Келесі нысан - қалпына келтірілген «Орталық» стадионы. Оның құрылысына 876 млн. теңге жұмсалды.
Спорт нысанын қалпына келтіру - бұл Қарабалық ауданының спорттық қозғалысын дамытудағы маңызды кезең, ол спорт пен белсенді өмір салтын ұстанушылар үшін жаңа мүмкіндіктер ашады.

Облыстық спартакиада басталды. Бұл іс-шара жыл сайын Қостанай облысының барлық аудандарынан көптеген көрермендер мен спортшылардың басын қосады. 2024 жылдың соңына қарай өңір тұрғындарын бұқаралық спортпен қамту 44%-ке жетеді.

• 27.09.2024
• 91