Қостанай облысына жұмыс сапарымен Қазақстан Республикасы Премьер-Министрінің орынбасары Серік Мақашұлы Жұманғарин келді

Қостанай облысына жұмыс сапарымен Қазақстан Республикасы Премьер-Министрінің орынбасары Серік Мақашұлы Жұманғарин келді.

Сапар барысында салынып жатқан және жұмыс істеп тұрған ауыл шаруашылығы өнеркәсібінің бірқатар нысандарын араладық.

Оның ішінде:

- «Аруана» ЖШС-ның диірмен кешені, қуаттылығы жылына 85 мың тонна астық өңдейді.

- «Олжа Агро» астық сақтау кәсіпорны

- 1200 мал басына арналған «Восток-1» тауарлы сүт фермасын салу, пайдалануға беру 2024 жылғы желтоқсанға жоспарланған

- «Каменскуральск» ЖШС-ның 400 мал басына арналған тауарлы сүт фермасы

- «Агрофирма Каркын» ЖШС

- «Тэрра» ш/қ

- «Саламат» ЖШС

Кәсіпорындар дәнді, майлы және көкөніс дақылдарын өсірумен және өңдеумен, сондай-ақ сүт бағытындағы мал шаруашылығымен айналыса отырып, әртараптандырудың жоғары деңгейін көрсетеді. Айтпақшы, облыста сүт өнімдерін өңдеу деңгейі 85% - ға жетеді және болашақта бұл көрсеткішті тек арттыру жоспарлануда.

Өңірдің ауыл шаруашылығы тауар өндірушілерімен кездесуде фермерлерді мемлекеттік қолдау шараларын және бизнестің әлеуметтік жауапкершілігін көрсетудің маңызды мәселелері талқыланды. Кәсіпкерлер мемлекет көрсеткен көмегі үшін алғыстарын білдіріп, инвестициялық ахуалды жақсарту және ауыл шаруашылығы өнімдерін терең өңдеу бойынша бірқатар ұсыныстар ұсынды.

Серік Жұманғарин атап өткендей, Қостанай облысы өнеркәсіпте де, аграрлық секторда да экономикалық көрсеткіштердің тұрақты өсуін көрсетеді.

• 27.09.2024
• 94