Облыс әкімі Асайын Байханов жұмыс сапарымен Ақтоғай ауданында болып қайтты

Ең алдымен өңір басшысы Қараоба ауылында салынып жатқан дене шынықтыру-сауықтыру кешенінің құрылысын тексерді. Құны 195 млн. теңге болатын нысан қараша айында тапсырылуы тиіс. Кешенді қарап шыққан облыс әкімі құрылыс жұмыстарына көңілі толмайтынын айтып, мердігер өз жұмысын қайта дұрыстап жасамағанға дейін нысанды осы қалпында қабылдамауды тапсырды. - Ғимаратты оқшаулау талаптарға сәйкес келмейді, спорт залында қыста 10-12 градус болады, алайда, кем дегенде 17-18 болуы керек. Жалпы, жобалауда қателіктер кеткен және сіздер бұл жобаны қабылдадыңыздар. Барлығын түзетіп, ретке келтіру керек, - деді өңір басшысы. Сондай-ақ, Асайын Байханов құрылыс басқармасына болашақта осындай қателіктерге жол бермеу үшін құрылыс бойынша барлық жаңа жобаларды қайта қарауды тапсырды. Облыс әкімі «Ақтоғай-АГРО» ЖШС-нің 1 гектар егіс алқабындағы жүгеріні жинау барысымен танысты. Биыл шаруашылық картоп жинайтын комбайн, заманауи тракторлар, 5 жаңбырлатып суару құрылғыларын сатып алды. 50 мың тонна көкөністі сақтауға арналған қоймасы бар. Жалпы егіс алқабы 73 мың га құрайды. Егіс алқаптарының 70% орылды, 10 қазанға дейін аяқтау жоспарлануда. Өңір басшысы «Ақтоғай-АГРО» ЖШС директоры Александр Терентьевпен жыл сайынғы индекстеу және қарапайым жұмысшылардың жалақысын арттыру мәселесін талқылады, Терентьев бұл мәселеге оның шаруашылығында тиісті деңгейде көңіл бөлінетінін атап өтті. Одан кейін облыс әкімі Жоламан ауылындағы су құбырының құрылыс барысымен танысты. Мұнда жұмыстар аяқталуда. Өңір басшысы балалардың мектепке батпақ кешіп баратындығы туралы ауыл тұрғындарының шағымдарын еске салып, аудан әкімдігіне орталық су құбыры іске қосылғаннан кейін жолдарды тегістеуді тапсырды. Мұнда облыс әкімі ауыл тұрғындарымен кездесіп, олардың сұрақтарын тыңдады. Олардың барлығы жұмысқа алынды. «Надежда» ШҚ-да астық жинау науқаны қызу жүріп жатыр. Мұнда 13 мың гектар алқаптан орташа өнімділігі 11-12 центнер астық жиналуда. Жұмыс сапарының бірінші бөлігінің соңында Асайын Байханов Қожамжар ауылындағы «Agro Terra» ЖШС-нің картопты сақтау нысандарымен танысты. Биылғы жылы мемлекеттік қолдаудың арқасында серіктестік картопты қазып алатын, картоп жинайтын GT 170 M-MS комбайнын сатып алды. Дала жұмыстарына 200-ден астам адам жұмылдырылған.

Ақтоғай ауданында жалғасқан жұмыс сапары барысында облыс әкімі Асайын Байханов Шілікті ауылының кірме жолын жөндеу жұмыстарын тексерді. Бұл мақсатқа облыстық бюджеттен 233 млн. теңге бөлініп, қиыршық тас жабыны төселуде. - Шілікті ауылының тұрғындары бұл жолды күтіп отыр және сіздер оны қыс мезгіліне дейін аяқтауларыңыз керек, басқалай болмайды, әйтпесе, көктемде адамдар мүлдем өте алмай қалады, - деді облыс әкімі. Одан кейін өңір басшысы тұрғындардың өтініші бойынша жөндеуді қажет ететін Жалаулы ауылының мәдениет үйіне барды. Облыс әкімі ғимаратты қарап шыққаннан кейін ЖСҚ әзірлеуді бастауды тапсырып, әлеуметтік нысанды жөндеуге қолдау көрсететінін атап өтті. Жалаулы ауылында өңір басшысы көктемгі су тасқыны кезінде үйлері зардап шеккен тұрғындар үшін салынған 5 үйдің жағдайын тексерді. Үйлерге қоныстанған тұрғындар риза. Су тасқынынан зардап шеккен Жалаулы ауылына келудің ең басты себебі болашақта ауылды су басу қаупін алдын алуға арналған жаңа қазаншұңқырлар мен бөгеттер салу жұмыстарымен танысу болды. Сыйымдылығы 200 мың текше метр болатын үш қазаншұңқырды және ауылдың айналасында 2 арық қазу жұмыстары аяқталды. Қазаншұңқырларды қазғаннан кейінгі топырақтардан бөгеттер жасалды. Ақжол ауылында облыс әкімі құрылысы ұзаққа созылып кеткен денешынықтыру-сауықтыру кешенінің құрылыс алаңына барды. Барлық мән-жайларды талқылап, қарағаннан кейін Асайын Байханов сәулет-құрылыс бақылау басқармасына өзіне алған шарттық міндеттемелерді орындауда немқұрайлылық танытқан мердігерлерді жауапкершілікке тарту бойынша талап-арыз жұмысын бастауды тапсырды.

• 09.10.2024
• 22