Қарағанды ​​облысындағы дала өрті Павлодар облысының аумағына таралды

Күндіз Қарағанды облысының аумағында басталған дала өрті Павлодар облысының аумағындағы Баянауыл мемлекеттік ұлттық табиғи паркінің ормансыз аумағына өтті. Өрт ошағына барлық қажетті күштер мен техникалар тартылды. Жағдай 12-15 м/с дейінгі қатты екпінді желмен және биік өскен шөптермен қиындық туғызуда. Желтау ауылында жедел штаб құрылып, Павлодар облысының әкімі Асайын Байханов сонда жолға шықты Бұған дейін Желтау ауылының тұрғындарын алдын ала эвакуациялау туралы шешім қабылданған болатын. Қауіпсіз жерге 18 адам, оның ішінде 8 бала көшірілді. Қазіргі уақытта аталмыш елді мекенге төніп тұрған қауіп жоқ.

Павлодар облысында Қарағанды облысынан Баянауыл мемлекеттік ұлттық табиғи паркінің ормансыз аумағына өткен дала өртін сөндіру жалғасуда. Өрт шалған жердің ауданы шамамен 6 мың га құрайды. Жағдай қалың өскен шөптердің және 12-15 м/с дейінгі екпінді желдің салдарынан күрделенуде. Кеше түнде облыс әкімі Асайын Байханов өңірлік жедел штабтың отырысына қатысты. Өртті сөндіруге 310 адам, 51 бірлік мамандандырылған техника, 1 әуе кемесі, 3 пилотсыз ұшу аппараты (ҰҰА) жұмылдырылды. Жергілікті атқарушы органдар тартылған мамандарды тамақтандыруды және арнайы техниканы жанар-жағармаймен қамтамасыз етуде. Өртті сөндіру үшін су Шалқаркөл көлінен және Желтау ауылындағы ұңғымадан алынуда.

• 09.10.2024
• 37