2024 жылғы 14-20 қазан аралығында өтетін жарыстар анонсы

13–20 қазан – Халықаралық тоғызқұмалақ турнирі

Халықаралық жарыс Моңғолияның Баян-Өлгей аймағында өтеді. Турнирге алты елден (Қазақстан, Ресей, Өзбекстан, Қырғызстан, Қытай және Моңғолия) 70-80 спортшы қатысады. Бұл сында ел намысын Артур Амантаев, Сымбат Нұрғалиева, Жанар Тұрмағамбетова және Бақыт Құдайбергенова қорғайды.

Өтетін орны: Баян-Өлгей аймағы

Уақыты: күн сайын 9:00-ден 18: 00-ге дейін

Кіру: тегін

13–20 қазан – Almaty Open (ATP 250)

Алматыда теннистен ерлер арасындағы АТР 250 Almaty Open турнирі өтеді. Бәсекеге Фрэнсис Тиафо, Себастьян Корда және Александр Бублик сияқты танымал теннисшілер қатысады.

• Іріктеу матчтары: 13-14 қазан
• Негізгі турнир: 14-17 қазан
• Жартылай финал: 18-19 қазан
• Финал: 20 қазан

Турнирдің ресми ашылу салтанаты: 15 қазан сағат 18:00-де Димаш Құдайбергеннің қатысуымен өтеді

Өтетін орны: Almaty Arena, Алматы қ.

Уақыты: Күн сайын 10:00-ден 20:00-ге дейін

Кіру: 3000 теңгеден басталады

15 қазан – футбол: Қазақстан U21 – Шотландия U21

Футболдан U21 құрамалары арасында Еуропа чемпионатына іріктеу кезеңі. В тобында сынға түсіп жатқан Қазақстан жастар құрамасы Шотландиямен кездеседі.

Өтетін орны: Орталық стадион, Алматы қ., Абай даңғылы, 48

Уақыты: 21:00

Қосымша: 5 жасқа дейінгі балаларға кіру тегін

19 қазан – Almaty Open аясында арбадағы теннистен көрме матчы

Турнирде қазақстандық спортшылардан Дінмұхамед Әлиакпаров, Айжан Бүтімбаева, Айшуақ Жетпісова және Дастан Ниязов өнер көрсетеді.

Өтетін орны: ADK теннис орталығы, Алматы қ.

Уақыты: 11:00-ден 13:00-ге дейін

Кіру: тегін

15–22 қазан – пара жеңіл атлетикадан ҚР чемпионаты

Алматы облысында пара жеңіл атлетикадан ересектер арасындағы ел біріншілігі өтеді. Жарысқа еліміздің 18 өңірінен 300 спортшы қатысады.

Өтетін орны: «Жетісу» стадионы, Алматы облысы

Уақыты: Күн сайын 10:00-ден 18:00-ге дейін

Кіру: тегін

19 қазан – «Қайрат — Тұран» матчы

Қазақстан Премьер-лигасының 23-тур аясында Алматыдағы Орталық стадионда «Қайрат» пен «Тұран» командалары кездеседі.

Өтетін орны: Орталық стадион, Алматы қ.

Уақыты: 17:00

Кіру: 700 теңгеден бастап

• 14.10.2024
• 78