Абай облысында су тасқынын алдын алуға дайындық жүріп жатыр

Абай облысының әкімдігі Төтенше жағдайлар департаментімен бірлесіп елді-мекендерді көктемгі су тасқыны кезеңіне инженерлік қорғау жоспарын әзірледі.

Жоспарға жағалауларды нығайту, өзендерді тазалау және тереңдету, бөгеттер салу, көпірлерді жөндеу және су өткізгіш құбырларды орнату сияқты су тасқынының алдын алуға бағытталған 63 шараны жүзеге асыру кіреді. Бұл шаралар облыстың алты ауданындағы 40 елді мекенді су тасқынынан қорғауға бағытталған.

Департамент тарапынан төтенше жағдайларға тыңғылықты дайындалу мақсатында су тасқыны кезеңінде 11 жүзу құралы мен қарда жүретін 2 техника сатып алынды. Оны қысқы және көктемгі кезеңде де қолдануға болады. Облыстың 2023-2027 жылдарға арналған әлеуметтік-экономикалық дамуы аясында Семей қаласындағы Ертіс өзенінің жағалауын бекіту жұмыстарының жобасы әзірленуде.
 

Биыл көктемде бірнеше ауданда су тасқыны орын алған болатын. Оның салдарын жоюға біраз күш жұмсадық. Сондықтан аталған мәселе өте маңызды. Табиғаттың тосын мінезіне дайындықты күшейту керек. Барлық жауапты мамандар өз істеріне жауапкершілікпен қарағаны дұрыс. Су тасқынына қарсы алдын алу іс-шаралардың орындалу деңгейі тиісті дәрежеде атқарылуы керек.

Өткен су тасқыны салдарын талдау негізінде әкімдіктерге өзен арналарының су өткізуін арттыру, қарды уақытылы шығару, гидротехникалық құрылыстардың жағдайын бақылау, Ертіс және Уба өзендерінде мұз жару жұмыстарын қаржыландыруды қамтамасыз ету, іс-шараларды толық орындау ұсынылды.

• 14.10.2024
• 33