Облыста астық жинау науқаны аяқталуға жақын

Астық 749,5 мың гектар аумақты алып жатыр. Оның 299 мың га - дәнді дақылдар, 295,8 мың га - майлы дақылдар, 5,8 мың га - картоп, 5,4 мың га - көкөніс, 143,5 мың га - мал азықтық дақылдар егілген.

Қазір 277,5 мың гектар алқаптан дәнді және бұршақ дақылдары жиналды, бұл жоспардың 92,8% құрайды. Орташа түсімділік гектарына 15,0 центнерге жетіп, жалпы көлемі 417,4 мың тонна астық бастырылды.

Майлы дақылдарды жинау да қарқынды жүріп жатыр: 295,8 мың гектар алқаптың 23,1 мың гектары жиналды, одан 26,8 мың тонна өнім жиналып, гектарына 11,6 центнер өнім алынды. 5,8 мың гектар жерді алып жатқан картоп жинау жұмыстары да аяқталды деуге болады. Өнімділігі гектарына 224 центнер, жалпы өнімі 112 мың тоннаны құрады. Көкөніс өніміде жақсы нәтиже көрсетті. 5,4 мың гектар алқаптың 4,9 мың гектардан 114,2 мың тонна өнім жиналды. Орташа өнімділігі гектарына 232,4 центнер.

Шаруаларды жанар-жағар маймен қамтамасыз ету үшін литрі 250 теңгеден 8,3 мың тонна жеңілдетілген дизель отыны бөлінді. Оның 7,02 мың тоннасы бүгінге жөнелтілді. Қосымша 7 мың тонна жанармай бөлінді, оның 3 мың тоннасы GOSAGRO.KZ порталы арқылы таратылды.

Облыстағы егін жинау жұмыстарын жүргізу үшін 13,9 мың трактор, 3,8 мың астық жинайтын комбайн, 967 орақ (жатка) бар. Жиналған егінді сақтау мақсатында облыста сақтау көлемі 206 мың тонна астық қабылдау кәсіпорындары (4 лицензияланған элеватор), сондай-ақ жалпы сақтау көлемі 870,9 мың тонна ауыл шаруашылығы тауарын өндірушілердің астық қоймалары бар. Сақтау қоймаларының қуаттылығы болжамды егінді сақтау үшін жеткілікті.

Ауыл шаруашылығы жануарларын толыққанды азықпен қамтамасыз ету үшін облыс бойынша шөп 99,5%, пішен 100% , сүрлем 90,9% орындалды. Сондай-ақ, минералды тыңайтқыштарды пайдалана отырып, күзгі-далалық жер жырту жұмыстары жүргізілуде.

• 14.10.2024
• 45