ҚР Туризм және спорт министрі Ербол Мырзабосынов шетелдік инвесторлармен ынтымақтастық әлеуетін талқылады

Туризм және спорт министрі Ербол Мырзабосынов Қытайдың жетекші XDS компаниясының өкілдері – Ли Сианрог (Li Xiangrong) және Лю Вэймен (Lu Wei) кездесіп, Astana Qazaqstan Team велокомандасын қолдау мүмкіндіктерін қарастырды.

Жиынға Туризм және спорт вице-министрі Серік Жарасбаев, Олимпиада чемпионы, Astana Qazaqstan Team командасының бас менеджері Александр Винокуров қатысты.

Кездесу барысында Ербол Мырзабосынов шетелдік серіктестермен ынтымақтастықтың Қазақстан велоспорты үшін жаңа мүмкіндіктер ашатынын атап өтті.

Astana Qazaqstan Team – жай ғана велокоманда емес, Қазақстанның ұлттық мақтанышы әрі спорттық мұрасының символы. Шетелдік инвесторлардың біздің велокоманданы қолдауы әлемдік аренадағы орнымызды нығайта түседі.

Қытайлық инвесторлар белсенді ынтымақтастыққа дайын екендіктерін жеткізіп, жобада тек коммерциялық әлеуетті емес, сонымен қатар Қазақстан мен Қытай арасындағы достық және спорттық байланыстарды нығайту мүмкіндігін де қарастыратындарын айтты.

• 16.10.2024
• 77