Өңірдегі ауыл шаруашылығы тауарын өндірушілердің назарына!

Алматы облысы - республикамызда ірі аграрлық өңірлердің бірі және барлық суармалы жерлердің 40%-ға жуығы біздің облысқа тиесілі. Облыс экономикасының дамуы ауыл шаруашылығы өнімінің көлемі мен сапасына тікелей байланысты болғандықтан, су қорын тиімді пайдалана отырып, суармалы жерлердің өнімділігін арттыру - біз үшін маңызды шаралардың бірі.

Өздеріңізге белгілі, 2020 жылдың суару кезеңі ауа райы жағдайларына,  яғни жауын-шашынның болмауына, түнгі уақытта ауа температурасы суытып, жер үсті су көздерінің таяздануына байланысты құрғақшылық пен су азаюы орын алды. Бұл жағдай Алматы облысының өзендерінде судың тартылуынан суару маусымының бірінші онкүндігінен шілде айының екінші онкүндігіне дейін су деңгейінің күрт төмендеуі байқалып, суармалы судың тапшылығын туындатты.

«Қазгидромет» РМК берілген мәліметінде 2021 жылға арналған гидрологиялық болжамға сәйкес, биыл Алматы облысының тау өзендерінің бассейндерінде қар қоры орташа көп жылдық көрсеткіштерден 25-56% - ға аз болады деп күтілуде.

Жоғарыдағыларды ескере келе, «Қазсушар» РМК Алматы филиалы:

- шаруашылықаралық желілерді механикаландырылған тазалау жұмыстарын жүргізуге,

- агротехникалық іс-шаралар жүргізуге,

-ауыспалы егісті сақтауға,

-су ресурстарын үнемді пайдалануға, мүмкіндігінше ылғалды көп қажет ететін дақылдарды себуді қысқартуға немесе суару желісінің оңай қол жетімді учаскелерінде (арналарына) ғана себуге кеңес береді.  

Сондай-ақ, суару маусымы басталғанға дейін 2021 жылға суармалы су беру жөніндегі қызметтерге  «Қазсушар» РМК Алматы филиалымен келісім- шарт жасау қажеттігін де еске салады.

 «Қазсушар» РМК Алматы филиалының су пайдалану бөлімі.

• 16.02.2021
• 234